La rulla de mayu ye un colúmbidu espodáu y de pequeñu tamañu, que mide ente 24 y 29 cm de llargu, tien un valumbu alar de 47 a 55 cm y pesa ente 85 y 170 g.[10][11] El so plumaxe ye polo xeneral parduzu. La so cabeza, pescuezu y lladrales son abuxaos, y presenta una mancha llistada en negru y blancu carauterísticu nos llaterales del pescuezu. Les sos ales presenten un patrón escamáu, por cuenta de que les sos coberteres tienen el centru coritu y los cantos de color canela. El so pechu tien ciertu tonu vinosu, ente que'l so banduyu y la parte inferior de la so cola son blancos. Les sos plumes de vuelu tantu de les sos ales como de la so cola son pardu corites, magar que les de la so cola tienen la punta blanca, sacante les dos centrales, y los dos llaterales que son totalmente blanques. El so picu ye negru, y presenta una zona desnuda de color coloráu alredor de los sos güeyos d'iris mariellu. Les sos pates tamién son coloraes. Los xuveniles son de tonos más apagaos y parduzos, escarecen de les manches nel pescuezu y del motudu escuru de les ales, y les sos pates son parduces.
La so voz, como la d'otres rulles, ye nun arrullu monótonu y monocorde.
Taxonomía y etimoloxía
Exemplar de S. t. turtur n'Eslovaquia.Pareya de rulles en Gran Canaria.
El nome del so xéneru, Streptopelia, ye d'etimoloxíagriega. Compónse de la combinación de les pallabres στρεπτός (streptos) que significa «cadena» y πέλεια (pelia) «palombu», en referencia a les manches del pescuezu típicos de los sos miembros. Sicasí, el so nome específicu, turtur, ye la pallabra llatina, d'orixe onomatopéyicu, que significa «rulla».
Según l'informe européu pa les Aves comunes 2007 la población de rulla de mayu cayó un 62% nos últimos tiempos.[14] Los grupos ecoloxistes aseguren que débese en parte a los cambeos nes práutiques agrícoles que faen que les granes y los biltos de los que s'alimenten seyan más escasos y en parte a la caza nos países mediterraneu. Según la Comisión Europea, cácense ente dos y cuatro millones de rulles en Malta, Xipre, Francia, Italia, España y Grecia.[15] Considérase especialmente problemática la situación en Malta l'únicu país de la Xunión Europea que dexa la caza mientres la migración de primavera cuando se dirixe a los sos cuarteles de reproducción.[16]
Comportamientu
Güevu de Streptopelia turtur
Trátase d'una palomba rural, a diferencia de la Rulla turca[17]NOA (Streptopelia decaocto) que vive principalmente en zones urbanes. Vive en campos arbolaos, deveses y demás arbolees abiertes con abondosa vexetación arbustiva, preferentemente xunto a yerbazales y zones de llabranza onde s'alimenta. Fórmense bandaes en campos de rastroxos, a la gueta de granos, a la fin del branu, tres la collecha. Principalmente aliméntase de pequeñes granes y yerbes del suelu.
En primavera pequeños grupos migratorios traviesen Europa procedentes del norte d'África camín de los sos cuarteles de cría dende finales d'abril, y tornen a África en setiembre. Ye visitante branizu na mayor parte d'Europa, sacante Islandia, Irlanda y Escandinavia. Nun s'atopa n'altu monte; magar qeu sí en campos de cultivu n'agrosistemes non mui modificaos y en xardinos d'amplia estensión.
La exhibición de cortexu del machu ye asemeyada a la del palombu bravu[18]NOA, anque con un vuelu menos ondulante y acompañáu de chasquíos coles ales al baxar. Arriendes, mientres la dómina de cría produz el carauterísticu arrullu grave y vibrante turrr, turrr, orixe del nome del so nome común. El so nial ye una pequeña plataforma de ramines, sobre les cañes de vexetación de ciertu altor. Aveza a poner dos güevos, y puede facer dos o tres niales per temporada, de mayu a xunetu.
Quiciabes porque méntase-yos na Biblia (especialmente nel versu del Cantar de los Cantares), pol so arrullu nidiu o'l fechu de que forme pareyes con fuertes venceyos, que puede vese como s'afechen y afalaguen col picu, les rulles de mayu convirtiéronse nun símbolu del amor fiel, llegando nel llinguaxe coloquial a significar tórtolos o tortolinos sinónimu de pareya de namoraos.[19]
.jpg)
.jpg)
.jpg)
