El ríu Irawadi o ríu Ayeyarwadi[2] ye un ríu que traviesa Birmania. Ye'l más llargu d'esi país (cerca de 2.170 km de llargu) y la so más importante vía fluvial comercial, con una cuenca hidrográfica cercana a los 411.000 km².
El ríu Irawadi naz na confluencia de los ríos Mali Hka y N'Mai Hka[3], nel Estáu Kachin. Nel so cursu, el ríu traviesa'l país de norte a sur, desaguando en nueve deltes nel mar d'Andamán (océanu Índicu). En tiempos coloniales, enantes de los ferrocarriles y automóviles, l'Irawadi yera conocíu como'l "camín a Mandalay". Anque ye navegable nuna distancia de más de 1.600 km camín del mar, del ríu remanecen delles islles y bancos de sable, qu'enzanquen la navegación. Mientres munchos años la única vía pa travesar el ríu yera la ponte d'Inwa.
El nome "Irawadi" créese que ye una derivación del términu sánscritu "airavati", que significa ríu elefante.
Los sos principales afluentes son los ríos Taping, Shweli, Myitnge, Mu (250 km) y, el más importante de toos, el ríu Chindwin (1.207 km).
Sobre esti ríu, nel centru de Magway, supuestamente taríase construyendo un reactor nuclear cola ayuda de Rusia y Corea del Norte.[4]
Referencies
Enllaces esternos
