El Presidente de los Estaos Xuníos d'América ye'l xefe d'estáu de los Estaos Xuníos. Baxo la Constitución de los Estaos Xuníos, el Presidente ye tamién el xefe de gobiernu del gobiernu federal y el comandante en xefe de les Fuercies Armaes.
Los poderes del Presidente de los Estaos Xuníos son amplios. Arriendes de ser el cabezaleru del poder executivu del gobiernu federal, qu'inclúi alrodiu de 4 millones de funcionarios, ente ellos un millón de personal en serviciu activu, tien importantes funciones nes estayes llexislativa y xudicial.
Ye, amás, l'encargáu de les rellaciones internacionales del país.
El Llistáu de Presidentes de los Estaos Xuníos consiste de 45 xefes d'estáu de la historia de los Estaos Xuníos d'América. Esta riestra namái inclúi a aquelles persones escoyíes según les lleis vixentes y cola ratificación de la Constitución de los Estaos Xuníos aprobada en 1789; nun incluyéndose los líderes anteriores a esta data o cualaquier otru nun esbilláu siguiendo la llexislación de los Estaos Xuníos.
La numberación de caún nun ye polos mandatos continuos sinón pola primer vegada que foi escoyíu presidente, sacantes Grover Cleveland quien foi xefe d'estáu por dos vueltes separtaes y non consecutives.
Los colores indiquen l'afiliación política de cada Presidente.
*Nota: Cleveland foi elixíu dos vegaes non consecutives, alterando la numberación de tolos presidentes que lu socedieron, entamando por McKinley. D'esta miente, George W. Bush ye'l 43u president mentanto que namái ye la 42a persona qu'ostenta'l cargu.}}