El Palaciu de Díaz Inguanzo, en Berodia, nel conceyu asturianu de Cabrales, ye un palaciu rural probablemente construyíu nel sieglu XVIII. Presenta una cadarma compauta al carecer de patiu interior. Tien planta cuadrada con dos altures, que llevanta una más nel centru de la fachada principal.
Les muries son de mampostería acutando la sillería pa los tornafueos de la fachada, requexos, enmarque de vanos, etcétera.
Na fachada oeste hai un cuidáu tratamientu de los vanos, y la xebra de los pisos faese per aciu d'impostes. Nel cuerpu principal conservense dos escudos, ún cola data 1898 remembra l'apertura del balcón central y otru asitiáu no alto del edificiu, coles armas de la familia Vivanco.
El cuerpu asitiáu más al este, na so parte baxa ta afuracáu por estreches saeteres, indicando qu'esta parte ye la más antigua del edificiu.
Referencies
Enllaces esternos
