El Palaciu de Llano Ponte, ta asitiáu na villa asturiana d'Avilés.
Allugáu nuna esquina de la plaza d'España yá na cai Rivero, esti palaciu foi construyíu por un indianu que fizo fortuna en Perú, Rodrigo García Pumarino.
El palaciu construyóse ente 1700 y 1706 n'estilu barrocu según un proyeutu del arquiteutu Francisco Menéndez Camina. Nel añu de 1774, tres la muerte del so fundador, la casa cambióse por una propiedá en Sabugo, pasando a ser propiedá de la familia Llano Ponte, concretamente de Francisco de Llano Ponte.
Inicialmente tuvo patiu y capiella, si bien nun queda nada de la so distribución inicial yá qu'al ser transformáu nel sieglu XX nun cine baltióse tol interior perdiéndose asina tou niciu del so interior.
El cine denomóse Marta y María n'honor al escritor Armando Palacio Valdés que vivió en frente ya inspiróse nel palaciu pa escribir la so obra homónima.
Anguaño namás que queda del edificiu orixinal la fachada de sillar de piedra con arcos. Rescamplen sobre la fachada los escudos de los Ponte y Argüelles a la derecha y de los Alas a la izquierda.
Referencies
Enllaces esternos
