Pola naturaleza del so suelo, l'océanu austral tien poques islles, con excepción d'aquelles situaes nel continente antárticu, sin embargu, podemos citar:
Islles Balleny: formen una cadena d'islles despoblaes, a la vera del círculu polar antárticu.
Islla Joinville: ye la más grande del archipiélagu d'islles subantártiques del mesmu nome, que s'estiende al estremu noroeste de la Península Antártica.
Islles Orkney del Sur: son un archipiélagu antárticu.
Islla Scott: ye una pequeña islla despoblada d'orixe volcánicu que s'alcuentra nel mar de Ross, nel océanu antárticu, a 505 kilómetros al noroeste del cabo Adare.
Islles Orcades del Sur: ye un archipiélagu de islles antártiques situaes a unos 120 km al norte de la Península Antártica; tola redolada tien la soberanía qu'establez el tratáu antárticu.[4]
Seres vivos
Pingüín macaroni (''Eudyptes chrysolophus'')
Machu d'osu marín antárticu (''Arctocephalus gazella'')
Tien poques especies d'animales y vexetales, sicasí, les sos poblaciones son bien numberoses (especialmente les d'esponxes, que paez que son tan abondoses como nos mares de clima tropical). Amás, podemos atopar tanto seres bien pequeños (como por casu, el fitoplancton y el krill) como los más grandes qu'esistieron nunca nel nuesu planeta, el rorcual azul, Balaenoptera musculus.
Flora
Tocantes a la flora, los organismos autótrofos marinos son los únicos representantes: fitoplancton y algues marines.
Crustáceos
Los crustáceos eufausiáceos (sobremanera de la especie ''Euphausia superba'') son l'elementu básicu de la cadena alimentaria, yá que alimentense de plancton y al memu tiempu ellos mesmos son l'alimentu básico de pexes, páxaros, pinnípedos y cetáceos.
Peces
Los pexes qu'atopamos pertenecen a grupos primitivos, especialmente nel grupu endémicu de los nototénidos. Son pexes de clima polar que s'afixeron perbién a vivir n'ambientes fríos por aciu la producción de molécules anticonxelantes, que torguen la crecedera de cristales de xelu nel interior de los sos cuerpos.
