María de Borgoña (13 de febreru de 1457, Bruxeles – 27 de marzu de 1482, Bruxes), duquesa de Borgoña y duquesa de Brabante, foi la esposa de Maximiliano I, emperador del Sacru Imperiu Romanu, y madre de Felipe'l Formosu.
Como fía única del últimu duque de Borgoña, Carlos el Temerariu y de la so segunda esposa Sabela de Borbón, heredó'l ducáu del so padre, a los 20 años, tres la muerte d'ésti na batalla de Nancy. La pretensión francesa polos territorios de los Países Baxos fixo que'l rei Lluis XI ocupara'l condáu de Borgoña o'l mesmu ducáu de Borgoña, lo que torgó a María exercer el so títulu nos que fueren los sos territorios.
Cola cuenta de espulsar a los franceses, promulgó una carta que se conoz como El Gran Privilexu y pola que quedaba garantizáu'l gobiernu propiu de los Países Baxos.
Casar en 1477 con Maximiliano, archiduque d'Austria, fíu del emperador Federico III y dempués emperador del Sacru Imperiu Romanu Xermánicu, col que tendría por fíos a Margarita d'Austria y a Felipe'l Formosu, qu'introduciría, pol so matrimoniu con Xuana I de Castiella, el fonduxe de los Austria n'España.
María de Borgoña morrió en Bruxes por cuenta de una cayida de caballu en 1482.