María (o Mariya) Ilínichna Miloslávskaya (11 d'abril de 1624, Moscú – 13 de marzu de 1669, Moscú) foi la primer esposa del zar Alejo I y madre de dos zares Teodoro III y Iván V, tamién foi madre de la rexente Sofía Alekséyevna Románova.
Fía menor del boyardo y diplomáticu Ilyá Danílovich Miloslavski y de la so muyer Ekaterina Fiódorovna Narbékova, foi escoyida pol zar Alejo I como esposa ente cientos de fíes de nobles. La eleición foi patrocinada pol Preceptor del Zar, el boyardo Borís Morózov, quien se casó con una hermana de María. Otra de les sos hermanes casóse col príncipe Dmitri Dolgoruki.
Estos matrimonios dieron una gran influencia na corte a Borís Morózov y al padre de María, quien aprovechó la so posición ente 1648 y 1668, añu de la so muerte, pocos meses primero que la so fía. María dio al zar trece fíos, de los cualos trés llegaron a adultos: dos homes, Teodoro y Iván, y seis muyeres, la tercera de les cualos ye Sofía, rexente mientres el reináu d'Iván.
A pesar que la so llinia socesoria morrió col so bisnietu Iván VI y les sos hermanes tampoco tuvieron fíos, la so prima Solomonida Mijáilovna Miloslávskaya casóse con Andréi Vasílievich Tolstói y fueron los antepasaos de Lev Nikoláyevich Tolstói.
A principios del sieglu XX el más vieyu de los sos descendientes llogra del zar Nicolás II l'autorización d'usar sobre'l so propiu apellíu'l estinguíu Miloslavski. Los sos descendientes son güei conocíos pol apellíu Tolstói-Miloslavski.