Con solu cuatro años, de la mano de la so madre Pilar Bardem fixo un papel pequeñu na serie de televisión El pícaru (1974), anque nun apaez nos creitos. La so primer escena como actor tuvo marcada por una anéudota con Fernando Fernán Gómez. Según esplica l'artista, na secuencia Fernán Gómez apuntába-y con una pistola y él tenía que rise. Sicasí, asustóse y lloró. El so compañeru de trabayu quitó-y pesu a la situación y esclamó: "Nun pasa nada, dexái-y, ye un actor dramáticu".[18]
Los años pasaron y el so físicu ye bien apoderáu pa interpretar personaxes agresivos y axataos. Tres una curtia apaición nel discutiniu Las edades de Lulú (Bigas Luna, 1990), de nuevu de la mano de la so madre Pilar, y convirtióse n'unu de los actores fetiche d'esti direutor y por eso, xunto a la que 18 años dempués convertiríase na so muyer Penélope Cruz y Jordi Mollá, protagonizó Jamón, jamón (1992), película que catapultaría al tríu a la fama.
Dempués de consiguir n'avientu de 1997 el Premiu del Públicu al Meyor Actor na Gala de l'Academia de Cine Européu, en xineru de 1998 compite pol Goya a la Meyor Interpretación Masculina por Carne trémula. En 1999 volvería trabayar con Mollá en Segunda piel.
Los lunes al sol y Mar adentro
En 2003 llogró'l Goya a la Meyor Interpretación Masculina protagonista pol so papel en Los lunes al sol, compartiendo protagonismu con Luis Tosar, tamién ganador d'un Goya por esta película. Na ceremonia d'entrega de dichu premiu fai oyer la so voz xunto cola d'otros compañeros d'oficiu— contra la guerra y la invasión d'Iraq. En 2004 consiguió nuevamente la Copa Volpi nel Festival de Cine de Venecia[ensin referencies], esta vegada pol so papel en Mar adentro, pol que tamién repitió'l Goya al Meyor actor.
Bardem alzóse nos últimos años en defensor del pueblu saḥarianu y el so derechu a l'autodeterminación que tien esti pueblu, antigua colonia española.[19]
El 8 de payares de 2012 Bardem estrenó la so estrella nel Paséu de la Fama de Hollywood.[20]
En xineru de 2013, l'Academia Británica de Cine anunció la candidatura a los Premios BAFTA de Bardem na categoría d'actor secundariu pol so papel nel filme Skyfall como oponente de James Bond.[21] Esti filme foi'l mayor ésitu de taquilla de la saga Bond y recibió escelentes crítiques.[ensin referencies]
En febreru de 2014, l'actor español foi premiáu por Majestic Passy pol so llabor solidaria col Sáḥara Occidental, materializada en “Fíu de les nubes: la última colonia”, el documental empobináu Álvaro Longoria, y conducíu y narráu por el mesmu Bardem.[22]
A mediaos de 2014 empezó a rodar en dellos trabayos cinematográficos, como por casu como protagonista: Ra.One y The Gunman, trabayos empobinaos por Anubhav Sinha y Pierre Morel respeutivamente.
Vida privada
Tres intensos rumores de novialgu, en xunetu de 2010, casóse con Penélope Cruz y dempués d'habelo negáu, el publicista de l'actriz confirma en setiembre d'esi mesmu añu que ta embarazada de cuatro meses y mediu. El 22 de xineru de 2011, nació Leonardo Encinas Cruz na Clínica Cedars-Sinaí de Los Angeles.
En febreru de 2013, Javier y Penélope confirmen qu'esperen el so segundu fíu.[23] El ñácaru, una neña llamada Luna Encinas Cruz, nació'l 22 de xunetu de 2013 na clínica Ruber Internacional de Madrid.
.jpg)
.svg){kind=small}
