El búkharu (persa: بخاری- boxārī, Taxicu: бухорӣ - buxorī; búkharu: בוכארי - buxori) ye un dialeutu únicu del persa faláu n'Asia Central polos xudíos búkharos.
El búkharu ta basáu nel persa clásicu, con un gran númberu de pallabres d'orixe hebréu, y un pequeñu númberu de pallabres d'otros idiomes, incluyendo'l uzbecu y el rusu. Ta bien rellacionáu col taxico-persa, y tamién ye bien similar col xudeopersa. El vocabulariu consiste nun amiestu de pallabres perses (taxiques), hebrees, árabes y uzbeques.[1]
Anguaño'l búkharu ye faláu por más de 10.000 xudíos d'Uzbequistán y nos sos países vecinos, una y bones la mayor parte de los falantes restantes del idioma emigraron a Israel (onde hai aproximao unos 50.000 falantes) y a los Estaos Xuníos.
Como otres llingües xudíes, el búkharu usa l'alfabetu hebréu.[2] Pero con rellación al pasáu, l'alfabetu usáu pal búkharu incluyeron los alfabetos llatín (1920-1940) y cirílicu (1940) y munchos xudíos búkharos solo fixéronse familiares col alfabetu cirílicu al escribir en taxicu, el so segundu idioma (y llingua franca de la rexón) namái pola influencia soviética na rexón. Güei, munchos llibros publicaos en xudeo-taxicu (búkharu) son escritos col alfabetu cirílicu de Taxiquistán, y solo poques publicaciones fueron escrites n'alfabetu hebréu pal búkharu y el taxicu.
Referencies
