Hipócrates de Cos (circa 460 de edC, Kos – circa 370 de edC, Larisa), ye'l padre de la medicina moderna. Nació y vivió en Grecia, y foi l'autor del Corpus hippocraticum, Tratáu del pronósticu y de Aforismos, ente otres obres. El so méritu fundamental va ser el de desendolcar un sistema racional basáu na observación y la esperiencia pa l'estudiu de les malures qu'él atribuyía a causes naturales y non a intervenciones divines o máxiques.
A elli se-y atribúi el Xuramentu Hipocráticu.
Describe el cuerpu humanu como una asociación de los cuatro humores: flema (agua), fiel mariello (fueu), fiel negro (tierra), y sangre (aire). La enfermedá desenróllase pola perda del equilibriu ente estos humores. El caltenimientu de la salú faise al traviés de la dieta y la hixene. Éstes idees persisten pente la Edá Media y el Renacimientu.