Coordenaes: 
13h 30m 5.94s, -23° 41′ 49.699″
HE 1327-2326 (SPM3.2 4266486) ye una estrella na constelación d'Hidra de magnitú aparente +13,15.[7] Ta a una distancia máxima de 4000 años lluz del Sistema Solar.[8] Descubierta en 2005, ye la estrella conocida con menor bayura relativa de fierro.
HE 1327-2326 ye una estrella subxigante o de la secuencia principal,[9] catalogada na base de datos SIMBAD como estrella de carbonu.[7] La presencia de llinies CH nel so espectru[9] son carauterístiques d'una estrella CH.
HE 1327-2326, con una edá envalorada de más de 12.000 millones d'años, ye la estrella conocida más antigua de la Vía Lláctea.[10]
Piénsase qu'esta reliquia cósmica pue tar en gran midida formada por elementos creaos nel gas caliente qu'esistió apenes 15 minutos dempués del Big Bang.[11]
Ye un miembru de la Población estelar II, con una rellación ente fierro y hidróxenu ([Fe/H]) de -5,6. Dichu valor supón un conteníu de fierro 300.000 vegaes menor que nel Sol. El so conteníu de carbonu, bien alto en rellación al de fierro, ye aproximao una décima parte de la solar, [C/H] = -1,0. Coles mesmes, tratándose d'una estrella tan antigua, presenta una inesperada baxa bayura de litiu y una sobreabundancia d'estronciu.[9] Una posible esplicación ye qu'HE1327-2326 seya un sistema binariu; si la hipotética acompañante evolucionara enantes, sintetizaría metales más pesaos —incluyíu'l estronciu— que darréu, al desfacer de les sos capes esteriores, contaminaríen a HE 1327-2326.[11]
Ver tamién
Referencies
- ↑ Afirmao en: SIMBAD.
- ↑ 2,0 2,1 2,2 2,3 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
- ↑ Afirmao en: VizieR Online Data Catalog: UCAC4 Catalogue (Zacharias+, 2012). Autor: Arne Henden. Llingua de la obra o nome: inglés. Data d'espublización: xunetu 2012.
- ↑ Afirmao en: VizieR. Llingua de la obra o nome: inglés.
- ↑ 5,0 5,1 Anna Frebel (19 xineru 2017). «Bright metal-poor stars from the Hamburg/ESO Survey. II. A chemodynamical analysis» (n'inglés). The Astrophysical Journal (1): páxs. 81–81. doi:10.3847/1538-4357/835/1/81.
- ↑ Daniela Carollo (2016). «Observational constraints on first-star nucleosynthesis. I. Evidence for multiple progenitors of CEMP-no stars» (n'inglés). The Astrophysical Journal: páxs. 20–20. doi:10.3847/0004-637X/833/1/20.
- ↑ 7,0 7,1 HE 1327-2326 (SIMBAD)
- ↑ HE 1327-2326 (Jumk.de/astronomie)
- ↑ 9,0 9,1 9,2 Anna Frebel, Wako Aoki, Norbert Christlieb, Hiroyasu Ando, Martin Asplund, Paul S. Barklem, Timothy C. Beers, Kjell Eriksson, Cora Fechner, Masayuki Y. Fujimoto, Satoshi Honda, Toshitaka Kajino, Takeo Minezaki, Ken'ichi Nomoto, John Y. Norris1, Sean G. Ryan, Masahide Takada-Hidai, Stelios Tsangarides & Yuzuru Yoshii (2005). «Nucleosynthetic signatures of the first stars». Nature 434. páxs. 871-873. http://www.nature.com/nature/journal/v434/n7035/abs/nature03455.html.
- ↑ HE 1327-2326. The internet Encyclopedia of Science
- ↑ 11,0 11,1 Relic star poses cosmic puzzles (BBC News)
Coordenaes: 13h 30m 5.94s, -23° 41′ 49.699″
