Les especies de fungos con nome común en llingua asturiana márquense como Nmic. En casu contrariu, conséñase'l nome científicu.
La crespiella falsa[1] (Gyromitra esculenta), (denomada asina pola so paecencia a la familia de les crespielles) ye un fungu de la familia de les Helvelacees. Esta familia entiende los xéneros Helvella, Underwoodia, Wynnela, Rhizina y Gyromitra.
Magar que esculenta = comestible, ye mentira, produz Síndrome Xiromitrianu. Mortal en crudo. Pa volatilizar la Xiromitrina, tien de desecase, esperar 6 meses hasta cocela y retirar l'agua. O fervela munchu tiempu n'agua. Pero queden toxines precanceríxenes[2].
Descripción
Sombreru: de 6 a 12 cm de diámetru y de 5 a 15 cm d'altor. Tien una forma bien peculiar formada por numberoses plegues que-y apurren un aspeutu cerebriforme. El color varia del pardu claru al pardu acoloratáu en función del mugor y la edá del individuu. Ye blancu na parte interna y na parte inferior onde se xune col pie.
Pie: suel ser curtiu de 2-6 x 1-3 cm, cilíndricu y bien engurriáu con dellos riegos na base, buecu y de color blancu. Carne delgao, inodora y con sabor feble pocu significativu en crudu.
Espores: con forma elíptica, llises, hialieas y con dos pequeñes gútules polares.
Ascos: con forma cilíndrica que contienen ocho espores (octospóricos) uniseriaes.
Ecoloxía
Crez en llugares montascosos so los pinos (montes de coníferes) mientres la primavera. Ye una especie saprofita, esto ye, que la so dieta básase en cadabres d'otros organismos y escrementos. Prefier zones elevaes, más de 800 m sobre'l nivel del mar.
Toxicidá
Tóxica en crudu pudiendo resultar inclusive mortal anque según en qué zones se-y considera comestible ya inclusive tan bien valoraes siendo, eso si, bien cocinaes primeramente. Comoquier aconséyase nun consumila.
La intoxicación nun se manifiesta hasta pasaes delles hores, dando llugar a trestornos dixestivos como vultures y estomagaes siguíos de deshidratación, hipotensión y alteraciones del ritmu cardiacu. En casos graves hai trestornos nerviosos y alteración (llegando a causar hemólisis) y del bazu.
El velenu responsable de la toxicidá ye la xiromitrina, bien tóxicu en solución aguacienta o al vapor, de lo que deduzse que ye dable intoxicase ensin llegar a comer cogordes. Nel organismu la xiromitrina tresfórmase al traviés de la hidrólisis nuna sustancia tóxica con capacidá hemolítica y canceríxena. Esta sustancia ye acumulativa, polo que la consumición socesiva de pequeñes cantidaes d'estes cogordes apuerta a tóxica.
Tratamientu
En casu de consumir esta toxina aconséyase Vitamina 6 aplicada per vía intravenosa pa protexer el reñón encamiéntase la inxesta abondosa de líquidos en casu de que la hemólisis seya bien intensa.
Observaciones
El restu de xiromitres son bien asemeyaes, sacantes varien nel color pero los sos efeutos por inxestión son asemeyaos. Pueden confundise con delles Morchellas o Crespielles.
Referencies
- C.J. Alexopoulos, C.W. Mims (1985) Introducción a la micoloxía Omega S.A. Barcelona
- P. Garcia Jimenez, S. Perez Gorjon, J.A. Sánchez Rodríguez, J. Sánchez Sánchez, C.J. Valle Gutierrez (2005) Setas de Salamanca. Ediciones al salina. Diputación de Salamanca, Salamanca (castellán)
- S. de Castro, J. Morales, A.corral, A.Merchan, A.Garcia, A. Calzada, S. Alonso; J.A. Eiroa, A. Corrolada, H. Perez, J.M. Juan, J.A. Garcia (2004) Manual Del Recogedor de Setas. Junta de Castilla y Leon. Consejería de Medio Ambiente. (castellán)
Referencies
Enllaces esternos
