Francisco Martín Angulo (1938, Medina de Pomar – 30 de payares de 2022), más conocíu como Paco Angulo, foi un políticu, sindicalista y escritor español. Foi miembru fundador del SOMA y tamién conceyal del PSOE n'Uviéu na primer llexislatura de la democracia.
Doctoráu en psicoloxía pola Universidá Complutense de Madrid, asitióse n'Uviéu en 1970 xunto cola so muyer, Ana Bernardo. Trabayó como psicólogu n'HUNOSA. Foi nes llistes del PSOE al Conceyu d'Uviéu nes eleiciones de 1979, eleiciones que ganó Luis Riera y nes que consiguió puestu de conceyal. Depués d'esa llexislatura, abandonó la política activa y dedicóse a la escritura.