Francisco Calderón Guardia, ye un políticu costarricanu, nacíu en San Xosé, Costa Rica, el 23 de xunu de 1906, y fináu na mesma ciudá'l 16 de xunetu de 1977. Foi fíu de Rafael Calderón Muñoz y Ana María Guardia Mora. Casó en primeres nupcias en 1937 con Leticia Gei Bernini, en segundes con Josefina González y en terceres en 1965 con María Luisa López Mejía.
Mientres el gobiernu del so hermanu Rafael Ángel Calderón Guardia foi Secretariu de Gobernación y carteres amiestes (1940-1942) y de Seguridá Pública (1942-1944) y Tercer Designáu a la Presidencia (1940-1944). Tuvo encargáu interinamente del Executivu del 1° al 5 d'avientu de 1941, por viaxe del titular a Nicaragua. Darréu foi Primer Designáu a la Presidencia (1944-1948).
Al términu de la guerra civil de 1948 coló col so hermanu a Nicaragua y dempués a Méxicu, d'onde tornó a Costa Rica en 1958. Foi diputáu de 1958 a 1962.