Vista de Nordaustlandet, nel Hinlopenstretet: el glaciar Valhallfonna a la derecha, el monte Faksefjellet nel centru, y detrás a la izquierda los montes Myteberget y Sagnberget.Mapa del estrechu de 1871 de August Petermann, na primer espedición alemana al Árticu.
L'estrechu de Hinlopen tien un llargor de 157 km y comunica l'océanu Glacial Árticu, al norte, col mar de Barents, al sur. La boca norte del estrechu tien solamente unos 16 km y el pasu va enanchándose escontra'l sur hasta llegar a unos 90 km, ente cabu Mohn (estremu sur de Nordaustlandet) y cabu Payer (Spitsbergen), que ye onde remata.
L'estrechu foi nomáu n'honor de Thijmen Jacobsz Hinlopen (1572-1637), dende 1617 unu de los líderes de la Noordsche Compagnie, una compañía mercante y ballenera neerlandesa qu'operaba na rexón. Foi visitáu va tiempu por balleneros y Pomor o colonos rusos.
En 1827, Henry Foster cartografió la parte norte y atopóse con una bona correspondencia colos mapes neerlandeses de principios del sieglu XVIII.
Na primer espedición alemana al Árticu en 1868, Carl Koldewey viaxó escontra Groenlandia a lo llargo de Hinlopenstrasse.
_2.jpg)
