El Día Mundial Ensin Automóvil (DMSA) foi orixinalmente una iniciativa pa desincentivar l'usu del automóvil, al ver que'l so usu a gran escala ta produciendo daños nel medioambiente. En dicha xornada fai un llamáu a los ciudadanos a dexar esti mediu de tresporte per un día y probar nuevos medios de desplazamientu. Anque la idea yá venía d'años enantes, foi na década de 1990 cuando empezó a adoptase en delles ciudaes. Celébrase'l día 22 de setiembre, anque en dellos países varien tala fecha pa crear inclusive selmanes dedicaes a la tema.
A partir de la crisis petrolera de 1973 empiecen a apaecer les primeres idees pa desincentivar l'usu del automóvil y promover medios de tresporte más eficientes. Sicasí nun ye hasta ochobre de 1994 cuando s'entamen les primeres xornaes ensin automóviles.
Nun principiu les ciudaes de Reikiavik (Islandia), La Rochelle (Francia) y Bath (de Reinu Xuníu) tomaron la iniciativa d'aplicar el Día Ensin Automóvil. Y como campaña a nivel nacional, el primer país n'aplicalo foi Gran Bretaña en 1997.
Nel añu 2000 constitúyese como una iniciativa europea pola Comisión Europea. El mesmu añu tómase como día mundial ya impleméntase n'Europa estendiéndose les actividaes per una selmana ("selmana de la movilidá").
Anguaño Bogotá y Medellín (Colombia) tien la mayor celebración del Día Mundial Ensin Automóvil, estableciéndose al traviés d'un referendu la prohibición de circular pela ciudá de cualesquier automóvil particular.
Al faer un llamáu a los ciudadanos a nun usar l'automóvil esti día espérase: