| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Códigu abiertu}} ~~~~ |
La espresión códigu abiertu úsase pa nomar lo que dalgunos ven como una filosofía y otros cenciellamente como una práutica. Fai referencia a dexar llibre accesu a les fontes d'un productu, y emplégase muncho na estaya del software. El software de códigu abiertu ye software pal que se espubliza'l códigu fonte.
Cuandu ún tien el códigu fonte d'un programa d'ordenador, en xeneral ye posible xenerar esi programa coles ferramientes afayadices. Cuando se espubliza'l códigu fonte, na práutica ta permitiéndose que cualaquier persona xenere esi programa y lu emplegue. Poro, muncha xente camienta que falar de códigu abiertu ye lo mesmo que falar de software llibre o de software de baldre; pero nun son lo mesmo.
Pue pasar que un programa seya de códigu abiertu, pero la so llicencia nun permita'l so emplegu en dalgunes o en toles circunstancies. Tamién pue haber software de baldre que, por embargu, nun seya de códigu abiertu. Sí ye frecuente que'l software llibre seya de códigu abiertu.
Anque hai dellos usos anteriores, pue dicise que'l nome "códigu abiertu" entamó a emplegase de manera xeneral y organizada nos caberos años de la década de 1990.
Referencies
Enllaces esternos
