Cuaya[2] ye una parroquia del conceyu asturianu de Grau. Ta allugada na zona suroriental del conceyu y ye, colos sos 14,81 km², una de les más estenses del mesmu. Abarca los siguientes nucleos de población: L'Asniella, Baselgas, Cuaya, Cuainxú, Llauréu, Las Murias, Panicera, Pumarín y Villar. Nellos viven 120 hab. (2016)[3].
El llugar homónimu tien una llarga historia. Donáu a la Ilesia d'Uviéu a finales del sieglu XI y entamos del XII, xugó un papel destacáu nes rebeliones del conde Gonzalo Peláez de Cuaya, un noble que, nos primeros años del sieglu XIV, se rebeló escontra'l rei Fernandu IV. Entá queden anguaño restos de dellos de los castiellos que'l mentáu noble tenía na zona. Asina, na fastera noroccidental de Cuaya queden los restos d'El Torrixón; al sur del pueblu de Baselgas atópanse los restos del castiellu de Baselgas; y al norte de l'aldea de La Figal (parroquia de Rañeces) hai restos de lo que foi'l castiellu de Cabrera.
Otru momentu importante na historia de Cuaya foi la constitución, nel trieniu lliberal (1821-23), d'un Ayuntamientu propiu. La casa conceyu y la cárcel s'allugaron, d'aquella, nuna torre de dómina baxumedieval qu'entá se conserva, anque mui reformada. Nel sieglu XX la emigración foi vaciando'l pueblu, qu'anguaño namái que tien 9 vecinos.
Xeografía
Llocalidaes
Sitios
- El Batán
- Carroceda
- La Casona
- El Casoriu
- La Faya
- El Palaciu
- El Pontón
- El Prau
- El Pueblu
- El Pueblu Arriba
- El Pueblu Baixu
- El Sierru
- La Veiga
- La Venta
Referencies
Enllaces esternos
