La Cruz Bermeya[1] ye la enseña, xunto cola Media Lluna Bermeya y el Cristal Bermeyu sobro fondu blancu utilizaos pol Movimientu Internacional de la Cruz Bermeya y de la Media Lluna Bermeya que tá ensamáu poles siguientes organizaciones humanitaries:
Fundación
Henry Dunant (8 de mayu de 1828 - 30 d'ochobre de 1910) nació en Xinebra, Suiza. Dedicabase a los negocios y nun viaxe pel norte d'Italia averóse a Solferino, el mesmu día nel que s'enfrentaren los exércitos austriacu, francés y piamontés.
Pela nueche, na Batalla de Solferino, yacíen 40.000 homes práuticamente desdexaos a la so suerte. Dunant vio cómo los firíos morríen ensin atención denguna, y cola aida de la xente de los pueblos de la redolada, dedicóse a socorrelos.
El socesu dexólu ablucáu. Dunant yera filántropu, y el recuerdu llevolu a camentar en formes d'amenorgar situaciones asemeyaes, y tres años dempués, asoleyó los sos atalantamientos. Nún llibru nomáu "Recuerdu de Solferino" Dunant plantegaba el biltu de lo que tendríen de ser les futures sociedaes de la Cruz Bermeya. Escribió testualmente "...que tendrá como finalidá, curiar de los firíos en tiemu de guerra, per duana de voluntarios entusiastes y dedicaos, perfeutamente cualificaos pal so trabayu..."
Dende un primer momentu Dunant imaxinó les sociedaes como entes neutrales dispuestes a apurrir aida humanitaria a quien la necesitare, independientemente de la so triba, nacionalidá o creyencies...
La so idea recoyéronla cuatro miembros de la Sociedá Xinebrina d'Utilidá Pública, que xunto con él, emburriaron pol proyeutu hasta la so creación en 1863, del Comité Internacional de la Cruz Bermeya. Un añu dempués, el Comité Internacional de la Cruz Bermeya algama, col sofitu del Gobiernu Suizu, convocar a conceyu diplomáticu a doce estaos pa que roblen el Primer Conveniu de Xinebra. N'él apáutase:
- Protexer a los militares firíos en campaña.
- El calter neutral y proteición del personal Sanitariu y de los hospitales militares.
- L'adopción de la enseña de la Cruz Bermeya sobro fondu blancu como símbolu proteutor.
- L'afitamientu d'un comité permanente que se denomó "Comité Internacional de la Cruz Bermeya".
- La promoción internacional de Sociedaes de Socorru.
Nel añu 2012, la Cruz Bermeya algamó'l Premiu Príncipe d'Asturies de Cooperación Internacional[2]
-
Cruz Bermeya
-
Media Lluna Bermeya
-
La estrella de David
-
Lleón y sol bermeyu, (usáu ente
1924-
1980 por
Irán)
El Cristal Bermeyu
El día 8 de setiembre de 2005, la Convención de Xinebra, crea'l Tercer Emblema Protocolariu, tamién denomáu Cristal Bermeyu, que nun tien connotaciones relixoses o nacionalistes, y que permite l'ingresu na Federación Internacional del Magem David Adom o Serviciu d'emerxencies Israelín el 22 de xunu de 2006.
-
Cristal Bermeyu.
-
el Cristal Bermeyu cola Cruz Bermeya.
-
el Cristal Bermeyu cola Media Lluna Bermeya.
-
el Cristal Bermeyu cola estrella de David.
Referencies
Enllaces esternos
