«D'oru y sobre ondes d'azur y plata, una cruz floronada de gules, cargada de cinco veneres de plata; mantelado de gules con dos torres d'oru. Al timbre, corona real zarrada.»
Cospeito ta enclaváu na contorna de la Terra Chá, a 28 km de distancia de la capital provincial.[6] Destaca la llaguna de Cospeito, güelga con presencia de coríos, garces y otres especies, d'interés pa los aficionaos a la ornitoloxía y amigues de la naturaleza.
Amás nel llugar d'Arneiro atópense les Torres d'Arneiro, antenes instalaes pol exércitu alemán en Galicia pocu antes del entamu de la Segunda Guerra Mundial pa control del océanu Atlánticu. Magar los exércitos aliaos conocíen la esistencia y allugamientu de les torres, nun les destruyeron por cuenta de que tamién faíen usu de les mesmes.
Dempués de la guerra siguieron siendo d'usu militar hasta l'añu 1962. A partir d'anguaño pasaron a manes de l'Autoridá d'Aviación Civil hasta l'añu 1971, cuando fueron abandonaes.
Anguaño estes antenes yá nun esisten porque nun pudieron soportar el pasu del ciclón extratropical Klaus (2009).
.jpg)
