La Copa Mundial de la FIFA Sudáfrica 2010™ (FIFA World Cup South Africa 2010™, n'inglés) foi la XIX edición de la Copa Mundial de Fútbol. Dio comienzu'l 11 de xunu y acabó'l 11 de xunetu, siendo la primer vegada qu'esti tornéu se disputó n'África y por quinta ocasión nel hemisferiu sur, pues venció na eleición previa a Exiptu y Marruecos.
Inscribiéronse pa participar nel procesu de clasificación 204 de las 208 asociaciones nacionales que formen parte de la FIFA, realizáu ente mediaos de 2007 y fines de 2009, pa poder determinar a los 32 equipos participantes na fase final del tornéu, superando la marca de 197 participantes del tornéu anterior.[1]
El campeonatu tuvo compuestu de dos fases: na primera, conformáronse ocho grupos de cuatro equipos caún, avanzando a la siguiente ronda los dos meyores de cada grupu. Los selce clasificaos enfrentáronse darréu en partíos eliminatorios, hasta llegar a los dos equipos que disputaron la final nel Estadiu Soccer City de Johannesburgu.
Previo al tornéu, Sudáfrica realizó una inversión millonaria pa poder tar en condiciones de recibir unu de los eventos deportivos más importantes del planeta. Cerca de 2 millones de entraes foron puestes a la venta p'asistir a los 64 partíos,[2] a disputáse en 10 estadios ubicaos a lo llargo de tol país, de los cuales la metá eren nuevos. Como preparación del eventu, el país anfitrión entamó primeramente la Copa FIFA Confederaciones 2009 nas ciudaes de Port Elizabeth, Bloemfontein, Johannesburgu, Pretoria y Rustenburg.
A esti Mundial regresaron delles seleiciones tres munchos años d'ausencia: Corea del Norte, que no participaba dende 1966, Hondures y Nueva Zelanda dende 1982, Arxelia dende 1986, y Grecia dende 1994. A estos equipos xuniéronse-yos Eslovaquia y Serbia, anque seleiciones d'estes dos postreras naciones participaren n'anteriores cites mundialistes, pero representando a países güei desintegraos; Checoslovaquia en caso de la primera, y Yugoslavia y postreramente Serbia y Montenegru en casu de la segunda.
Tol tornéu tuvo marcáu por importantes errores arbitrales qu'influyeron nel desarrollu de dellos partíos,[3] incluida la propia final.[4]
Pa la eleición de la sede de la Copa Mundial de Fútbol de 1994, Marruecos tuvo a tres votos de derrotar a los Estaos Xuníos, y postreramente volvió a presentar candidatures pa les Copes de 1998 y 2006, ensin algamar resultaos esitosos. Nesta cabera eleición, Sudáfrica presentó la so candidatura col encontu del presidente de la FIFA, Joseph Blatter, pero los esfuercios foron en devanéu: Alemaña adxudicóse'l eventu nuna reñía y polémica votación por un votu de diferencia.
En 2005, los organizadores del eventu anunciaron una llista previa de 13 sedes pal eventu: Johannesburgu y Pretoria presentaron dos, mientres que Bloemfontein, Ciudá del Cabu, Durban, Kimberley, Nelspruit, Orkney, Polokwane, Port Elizabeth y Rustenburg, una. La llista foi reducía a les 10 sedes definitives, siendo anunciada pola FIFA, el 10 de marzu de 2006. Cinco estadios, incluyendo'l Soccer City (sede del partíu d'apertura y clausura) seríen remodelaos, dos estadios seríen demolíos y reconstruíos, mientres los tres restantes seríen estadios totalmente nuevos.
Los estadios nuevos llístense en cursiva.
La FIFA anunció una llista de 30 árbitros, provenientes de les 6 confederaciones continentales.[5] El paraguayo Carlos Amarilla tuvo ser reemplazáu de la llista final, yá qu'un collaborador d'ésti lesionóse mientres los exámenes físicos pa la Copa Mundial, siendo reemplazáu pol uruguayu Martín Vázquez.[6] En tantu, el chilenu Pablo Pozo tuvo ser reemplazáu pol guatemalianu Carlos Batres nel partíu ente Arxelia y Eslovenia, llueu de que Pozo se lesionara nuna práutica.[7] Caberamente, Batres quedó incorporáu a la llista oficial.
En total foron 204 equipos de les 208 federaciones miembros de la FIFA los que inscribiéronse pa participar nel tornéu. D'ellos, 32 participarán na fase final. Les clasificatories pa la Copa Mundial realizáronse ente'l 5 de setiembre de 2007 y fines de 2009.
El país anfitrión, Sudáfrica, ye'l únicu país clasificáu automáticamente gracies al so drechu d'entamador. Los 31 cupos restantes repartiéronse a les 6 confederaciones internacionales que disputaron distintos torneos clasificatorios: 13 cupos pa la UEFA, 5 pa la CAF, 4 pa la Conmebol, 4 pa l'AFC y 3 pa la Concacaf. Los dos cupos restantes foron definíos por play offs ente un representante de la Conmebol escontra uno de la Concacaf y ente uno de la AFC escontra'l ganador del tornéu de la OFC.
El 25 de payares de 2007 realizóse en Durban el sortéu preliminar de la Copa Mundial pa definir los sistemes clasificatorios de dalgunes confederaciones. El sortéu definitivu de los grupos tuvo llugar en Ciudá del Cabu'l 4 d'avientu de 2009.[8]
En cursiva, países debutantes na Copa Mundial de Fútbol.
1:1 (0:0)
0:0
0:3 (0:1)
0:2 (0:0)
0:1 (0:1)
1:2 (0:2)
2:0 (1:0)
1:0 (1:0)
4:1 (2:1)
2:1 (1:1)
2:2 (1:1)
1:1 (1:1)
0:1 (0:0)
2:2 (2:0)
1:0 (0:0)
4:0 (2:0)
2:1 (0:0)
2:0 (0:0)
1:2 (1:1)
1:3 (0:2)
1:2 (0:1)
1:1 (0:1)
0:2 (0:1)
3:2 (1:0)
3:1 (1:0)
7:0 (1:0)
0:0'
0:3 (0:2)
2:1 (1:0)
1:2 (1:1, 0:1)
3:1 (2:0)
3:0 (2:0)
2:1 (0:1)
1:1 (1:1, 0:1)
0:4 (0:1)
2:3 (1:1)
0:1 (0:0, 0:0)