El Campeonatu Acomuñáu Ástur-Gallego foi un tornéu interterritorial de fútbol de calter oficial xugáu por clubes gallegos y asturianos mientres les temporaes 1934/35 y 1935/36. Taba asitiáu xerárquicamente percima del Campeonatu Rexonal de Galicia y del Campeonatu Rexonal d'Asturies, de cuenta que los clubes que tomaben parte nel acomuñáu nun participaben nel campeonatu gallegu nin nel asturianu. Foi creáu por cuenta de una reestructuración llevada a cabu pola RFEF.[1] La edición de 1934/35 viose atayada por causa de la Revolución d'Asturies de 1934, estremándose la competición en dos grupos: l'asturianu y el gallegu,[2] Nos que resultaron ganadores l'Uviéu F.C. y el Celta de Vigo respeutivamente.[3] Al añu siguiente volvió apostase'l campeonatu, d'esta vuelta ensin los problemes del añu anterior, proclamándose campeón l'Uviéu F.C. y subcampeón l'Unión Sporting Club de Lavadores.[4]