Base Antártica Xuan Carlos I

Base Antártica Xuan Carlos I
Bases antártiques permanentes
Llocalización
Condominio ^(es)	Rexón del Tratáu Antárticu
Llugar físicu	Península Hurd ^(es)
Coordenaes	62°39′48″S 60°23′17″W
Base Antártica Xuan Carlos I Base Antártica Xuan Carlos I (Antártida)
Altitú	15 m y 14 m
Historia y usu
Apertura	1988
Xestión	Comité Polar Español ^(es)
Orixe del nome	Xuan Carlos I d'España
Usu	seasonal Antarctic facility ^(en)
Web oficial

Mapa topográficu de les islles Livingston y Smith.

La Base Antártica Española Xuan Carlos I (BAE Xuan Carlos I) ye una base científica española en L'Antártida dependiente del CSIC, al traviés de la so Unidá de Teunoloxía Marina. Ta asitiada na península Hurd na islla Livingston, nel archipiélagu de les Shetland del Sur, a 40 metros de la mariña y a 12 metros d'altor, na ala del Monte Reina Sofía (62°39′46″S 60°23′20″W 62°39′46″S 60°23′20″W / 62°39′46″S 60°23′20″W, -60.38889).62°39′46″S 60°23′20″W Tien una superficie de 346 m² y puede allugar a lo más 50 persones. La base más cercana ye la búlgara San Clemente de Ohrid, distante 2,7 km en direición NE. Asítiase na mariña SE de Bahía Sur, na Península Hurd d'Islla Livingston (archipiélagu de les Shetland del Sur), a unes 20 milles de navegación de la base española Gabriel de Castiella, asitiada n'Islla Decepción.

Historia

Emblema de la Base Xuan Carlos I.

Vista de la base.

El montaxe de la instalación empezó'l 8 de xineru de 1988 y el 11 de xineru se izaba la bandera española na que yera la primer base española en L'Antártida.^[1] La base namái permanez ocupada mientres el branu austral, ente payares y marzu. Les actividaes realícense pela redolada de la base, según nun campamentu temporal na península Byers.

Dende 1999 la Unidá de Teunoloxía Marina (UTM) del CSIC (enantes UGBOIP) asume la xestión téunica y loxística de la base Xuan Carlos I.

Como toles instalaciones antártiques españoles, tien como oxetivu sofitar les actividaes d'España en L'Antártida sobremanera la realización de los proyeutos d'investigación científica que coordina'l Programa Nacional d'Investigación en L'Antártida (PNIA).

El sofitu loxísticu y de caltenimientu realizalo dende 1991 el Buque d'Investigación Oceanográfica Hespérides, sofitáu pol BIO Les Palmes, dambos de l'Armada española, anque s'espera que'l segundu seya sustituyíu por un Buque d'aición marítima modificáu con esi envís.

Mapes

• Islla Livingston: Península Hurd. Mapa topográficu d'escala 1:25 000. Madrid: Serviciu Xeográficu del Exércitu, 1991.
• L.L. Ivanov. Antarctica: Livingston Island and Greenwich, Robert, Snow and Smith Islands. Scale 1:120000 topographic map. Troyan: Manfred Wörner Foundation, 2009. ISBN 978-954-92032-6-4

Ver tamién

• Bases antártiques d'España
• CSIC

Referencies

1. Ivanov, L. General Geography and History of Livingston Island.

Enllaces esternos

• Wikimedia Commons acueye conteníu multimedia sobre Base Antártica Xuan Carlos I.

• Datos: Q403043
• Multimedia: Juan Carlos I Station