AsturCon, Convención de Fantasía Asturiana ye un festival de lliteratura de xéneru de caráuter autónomicu. Celébrase en Xixón dende l'añu 2022[1][2][3]y nél participen abondos autores y editoriales asturianos ente los que s'alcuentren dalgunos de gran relevancia nacional, como Rodolfo Martínez o Pilar Sánchez Vicente.[4] Ye un eventu dafechu billingüe castellano-asturianu[5]nel que se busca aprovechar el boom de la lliteratura fantástica asturiana,[6] afondar nos hechos diferenciales de la fantasía creada n'Asturies (como pue ser l'usu de la mitoloxía propia)[7]y tamién tratar temes d'actualidá nel mundu lliterariu y editorial.[8]
Otru de los actos del eventu ye la entrega del Premiu Fontenebrosa a meyor novela asturiana. El gallardón foi nomáu asina n'honor a la obra más conocida de Vicente García Oliva, primer autor de fantasía infantil y moza n'asturianu, y el Premiu Cero entregóse-y honoríficamente a él.[9]
Los organizadores del eventu son los autores Xon de la Campa, Adrián Carbayales y Dam Fernández.[10]