Arganza[2] ye una de les 44 parroquies del conceyu asturianu de Tinéu. Asitiada al suroeste de la capital del conceyu, llenda colos pueblos de Rozadieḷḷa, Augüera, Viḷḷarmóu y La Llapada, el pueblu tien forma allargada concentrándose en dos zones, una central onde s'afayen la mayoría de les cases y otra menos al este onde s'afaya la ilesia, la población ye de 147 hab. (2017)[3].
Pue llegase al pueblu per una variante de la carretera AS-217.
La ilesia de Santa María ye'l tercer templu relixosu na so historia yá qu'unu baltóse y l'otru reconstruyéronlu.
Xeografía
Llocalidaes
Sitios
- Augüera
- Casa Celista
- Casa Rancañu
- Casa Tiadora
- Casa'l Patacu
- Arganza
- Casa Frutos
- El Molín
- El Palaciu
- Carriles
- La Ḷḷama
- Sumión d'Arriba
- Viḷḷarmóu
Historia
Arganza ta referenciada yá nel 905, nel Llibru de los Testamentos de la Catedral d'Uviéu, por una donación del monarca Alfonsu III que depués foi ratificada por Fruela II. Los montes d'Arganza fueron donaos pol rei Vermudo al so capellán Nuño Vusterlani. En 1453 Suer González d'Arganza presenta una carta d'aforamientu, datada nesta fecha, na que'l canónigu Ferrán Suárez de Cangas, en nome del deán y cabildru, aforara a Juan Fernández d'Arganza y a la so muyer mediu día de gües pa faer un horru y una casa y güertu, por cuatro maravedinos añales.
Actualidá
El pueblu como munchos otros ta cada vez más condergáu al abandonu debíu en mayor midida a la escasez de población, munches cases tán claramente en ruines.
Ver tamién
Referencies
Enllaces esternos
.jpg)
.svg){kind=small}
