3 Times Square, tamién conocíu como Thomson Reuters Building, ye un rascacielos de 32 plantes asitiáu na zona de Times Square de Midtown Manhattan en Nueva York, Estaos Xuníos. Asitiáu na Sétima Avenida ente les cais 42 y 43, l'edificiu formó parte del ambiciosu proyeutu de renovación de la Cai 42. Construyíu por Tishman Construction, tien 79 400 m² y ye la sede de Thomson Reuters. L'edificiu tamién alluga les oficines en Nueva York de BMO Capital Markets, Bain & Company, y FTI Consulting. Na planta baxa hai establecimientos de Quiksilver, AT&T, JP Morgan Chase Bank, Skechers, y Cafe Europa. Al igual que la mayor parte de los edificios de Times Square, tien grandes pantalles publicitaries electróniques en delles fachaes.[1][2][3][4]
La fachada compónse d'un muru cortina de cristal y piedra con paneles metálicos, que favorecen la lluz natural. L'edificiu foi diseñáu para ser eficaz enerxéticamente y nun precisa calefacción. Tamién ta forníu con sistemes d'esfrecimientu duales gas/llétricu que permiten utilizar una o otra fonte d'alimentación en función de les tarifes d'electricidá y gas.
Ver tamién
Referencies
Enllaces esternos
