هى مطربة و ممثلة جزائرية، اتولدت يوم 22 يوليه من سنة 1939 فى الحى اللاتينى بباريس فى فرنسا لأب جزائرى و أم لبنانية. كان والدها يملك فندق فى باريس حيث اتعودت ورده أن تقدم اغانى لأم كلثوم و أسمهان و عبدالحليم حافظ.
قدمت لمصر بدعوة من المخرج و المنتج الراحل (حلمى رفله) اللى قدمها فى أول أفلامها السينمائية (ألمظ و عبده الحامولي) فى سنة 1962، و بعدها تم اختيارها ضمن المجموعة اللى غنت أوبريت (الوطن الاكبر). أشيع أنها على علاقة بالمشير (عبد الحكيم عامر) فى أوائل الستيناتو ده اتسبب فى صدور قرار بإبعادها بره البلاد و منعها من دخول مصر، ولم تعود إلا فى مطلع السبعينات خلال حكم الرئيس السادات.
اتجوزت فى الفتره دى من المناضل الجزائرى (جمال قصيري) و أنجبت و عندها(رياض، داوود)، لحد طلبها الرئيس (هوارى بومدين) كى تغنى فى عيد الاستقلال العاشر للجزائر، و هناك قابلت بالموسيقار (بليغ حمدى) اللى أقنعها بضرورة الرجوع لمصر.
انفصلت عن زوجها، واتجوزت من بليغ فى الفترة من سنة 1972 و لحد سنة 1979 و هيا الفترة اللى قدمت فيها وردة معظم اغانىها الناجحة لحد دلوقتى .
بعد انفصالها عن بليغ تعاونت مع الكتير من الملحنين اللى قدموا ليها ألوان مختلفة من المزيكا زى (محمد عبدالوهاب، سيد مكاوي، محمد الموجي، صلاح الشرنوبي) و غيرهم. قدمت وردة للسينما ستة أفلام، هي: (ألمظ وعبده الحامولي) 1962، (أميرة العرب) 1963، (حكايتى مع الزمان) 1973، (صوت الحب) 1973، (آه يا ليل يا زمن) 1977، و(ليه يا دنيا) 1994. كمان قدمت للتليفزيون مسلسلات: (أوراق الورد) 1979، و(آن الأوان) 2006. توفيت وردة فى بيتها بالقاهرة فى 17 مايومن سنة 2012 إثر ازمة قلبية مفاجئة، واتدفنها بمقابر أسرتها بالجزائر بناء على طلبها.
.svg)
