عمرو سلامة مخرج مصرى اتولد يوم 22 نوفمبر 1982 فى الرياض عاصمة المملكه العربيه السعوديه . درس تجارة ومدرسش سينما، وابتدا يشتغل ف الافلام عن طريق الافلام القصيرة زى فيلم الاعلان وفيلم عذاب نفسى وفيلم تسجيلى عن الايدز واعلانات عن افلام. و كان بيظهر ف ادوار ف الافلام اللى بيعملها واول ظهور ليه كممثل كان فيلم السلم والتعبان و كان عامل دور اخو احمد حلمى الصغير.
اول فيلم روائى طويل عمله كان فيلم زى النهاردة اللى اتعرض ف اخر سنة 2008 وشارك ف مهرجان الشرق الاوسط للسينما واترشح لجايزة احسن فيلم. الفيلم هو اللى كتب السيناريو بتاعه وعمل مونتاج الفيلم و هو بردو اللى عمل الاعلان واخرج كليب الفيلم تسمحيلي. وقال انه اتعرض لصعوبات عشان يعمله لان النقابة محددة شرط ان المخرج اللى مخدش دراسة اكاديمية لازم يدفع للنقابة 150 الف جنية و هو مكنش معاه المبلغ دة فباع عربيته واخد فلوس من اهله والمنتج ساعده على اساس انه يسدد المبلغ من الافلام اللى جيّة يعنى هيشتغل ببلاش فيلمين ورا بعض .
اعماله
- الاعلان (فيلم قصير)
- الشهادة (فيلم قصير)
- عذاب نفسى (فيلم قصير)
- ساعة زمن (فيلم قصير)
- فيلم تسجيلى عن الايدز
- اعلان فيلم "كشف حساب"
- كليب اغنية فيلم "كشف حساب"
- اعلان فيلم "ورقة شفرة"
- كليب اغنية فيلم "ورقة شفرة"
- فيلم "زى النهارده" وفيلم الشيخ جاكسون
- مسلسل "طايع"
واخرج اعلانات وكذا كليب لفرقة "وسط البلد".
- فيلم لامؤاخذة
كتاب رسايل ترد للمرسل
كتاب شاب كشك (ورحله البحث عن الجادون)
وصلات برانيه
- ↑ وصلة : nm1782844 — تاريخ الاطلاع: 19 يونيه 2019
