احمد سيد امين ممثل كوميدى مصرى و مؤلف و مقدم برامج, خريج كليه الفنون الجميله.
حياته
اتولد احمد امين يوم 11 يوليه سنة 1980 فى دوله الكويت اللى كان بيشتغا فيها والده و هوا الابن الأصغر بين اخوته, استقر فى مصر و كمل فيها تعليمه و دخل كليه الفنون الجميله, بدا عمله فى مجال صحافه الطفل, بعدين مؤلف لسلاسل من الرسوم المتحركه للأطفال (بسنت و دياسطى ) و (القبطان عزوز), بعدين مقدم لفيديوهات (30 ثانيه) على شبكه الانترنت ومن بعدها مقدم و ممثل فى برنامج (البلاتوه). قدم أول أدواره بالتلفزيون فى مسلسل الوصيه مع الممثل اكرم حسنى البطوله و الدكتور ( رفعت اسماعيل ) فى مسلسل ما بعد الطبيعه.[2][3]
حياته الفنيه
ابتدت معرفه الجمهور ب"أمين" فى (2015) بفيديوهات "30 ثانيه" و اللى لفتت الأنظار لموهبته رغم ضعف أو انعدام الانتاج المستخدم لتقديم الفيديوهات دى بس انتشرت على صفحات التواصل الاجتماعى, و من بعدها قدم برنامج البلاتوه (2016/2017) و اللى قدم بمواسمه المختلفه كتير من المشاهد و الأغانى الكوميديه.
الجوايز و التكريم
- جايزه احسن برنامج كوميدى مهرجان الفضائيات العربيه 2017 .
- جايزه احسن برنامج كوميدى من اتحاد المنتجين العرب عن برنامجه البلاتوه 2017.
أعماله
- كوكب كراكيب 2007 رسوم متحركه ثلاثيه الأبعاد (قصه وسيناريو وحوار)
- بسنت ودياسطى 2008 رسوم متحركه (قصه وسيناريو وحوار)
- القبطان عزوز 2009 رسوم متحركه (سيناريو وحوار
- القبطان عزوز ج3 2011 رسوم متحركه (مؤلف
- بسنت و دياسطى 2011 رسوم متحركه (قصه وسيناريو وحوار)
- رحماء بينهم برنامج 2011 (مؤلف)
- حاضر مع المتهم فيلم قصير 2013 (ممثل)
- البريك برنامج 2015 (ممثل)
- البلاتوه برنامج 2016 (ممثل)
- بابى سيتر برنامج اذاعي2017 فى دور أب حوالين بيته الى حضانه باستقبال كل أولاد الجيران. (مذيع)
- خلصانه بشياكه مسلسل 2017 فى دور وجدى مفجر الثوره بين الرجال والستات (ضيف شرف)
- الكنز فيلم 2017 فى دور المنولوجست (ضيف شرف)
- الوصيه مسلسل 2018 فى دور سمسم .
- نادى الرجال السرى فيلم 2019 (ضيف شرف) فى دور (دفراوى)
- بدل الحدوته تلاته مسلسل 2019 (ضيف شرف) فى دور البلياتشو عبد الحليم (بومبه)
- مسرحيات أمين و شركاه 2019 هيا مجموعه من العروض المسرحيه اللى بيناقش من خلالها مجموعه من سلوكيات المواطن المصرى فى قالب كوميدى
- ما بعد الطبيعه 2020 أول مسلسل من انتاج نيتفليكس فى دور رفعت اسماعيل
لينكات برانيه
مصادر
