وجيه أباظة من مواليد منيا القمح فى محافظة الشرقيه فى مصر فى الفترة 1917 - 1994. و هو عسكرى وقيادى مصرى و كان عضو فى حركة الظباط الاحرار.[2][3][4]
اتخرج من كلية الطيران سنة 1938م علشان يكون ظابط فى القوات المصرية، عمل أباظة فى جهاز المخابرات المصريه فى العهد الملكى فى مصر، وبعدها انضم لتنظيم الظباط الأحرار المصرى اللى قاد ثورة 23 يوليه 1952م، و عهد ليه فى ليلة 23 يوليه مسؤولية قيادة المطار، القاعده الأساسيه للقوات الجوية المصرية.
عمل أباظة فى الاتحاد القومى المصرى و فى التنظيم الشعبي. وعمل فى ادارة الحكم المحلى محافظ لمدة عشر سنين فكان اتعين محافظ لمحافظة البحيره سنة 1960 ولغاية سنة 1968م بعدها محافظ لمحافظة الغربيه الجديدة لمدة سنتين بعدين محافظا للقاهرة حوالى سنة واحدة و ترك وقت عمله كمحافظ انجازات اقتصادية واجتماعية وثقافية فى المحافظات اللى عمل فيها.
بعد وفاة الرئيس جمال عبد الناصر سنة 1970م تم اعتقال وجيه أباظة فى أوائل عهد الرئيس انور السادات فى مايو 1971م وحوكم بالسجن قدام محكمة خاصه وخرج منه بعد فترة من الوقت. تفرغ سنة 1976م لأعماله الخاصة لغاية وفاته سنة 1994م.
{{cite web}}