فاروق نجيب (1940 - 2014) Farouk Naguib اسمه الكامل فاروق نجيب ميخائيل, هوا ممثل مصرى.[1]
حياته
فاروق نجيب من مواليد يوم 7 مارس 1940, والده و اللى كان ناظر لمحطه القطار فى مركز تلا, بعته الكتاب ف طفولته بقريه تلا المنوفيه عشان يحسن لغته العربيه, اخد درجة الليسانس من كلية الآداب بجامعة عين شمس.
بدأ عمله الفنى من خلال مشاركته فى العروض المسرحيه فى مدرسة التوفيقيه الثانويه بشبرا,[2] اتعرف على الشاعر و الكاتب المسرحى نجيب سرور اللى قدمه بدوره فى مسرحية (وابور الطحين). قدم حوالى 300 عمل ف ادوار كتيره و اللى كان أغلبها فى المسرح و التلفزيون و من أشهر أعماله (السيره الهلاليه, الفرسان, الدالى, حياة الجوهرى).
و بالاضافه لشغله كممثل اشتغل كمان مدير انتاج ف 16 عمل فنى منها افلام روعة الحب و 7 أيام فى الجنه و أدهم الشرقاوى و مراتى مدير عام.
وفاته
فى ديسمبر 2013 اتعرض لجلطه دماغيه, اتوفى بمستشفى التأمين الصحى يوم 21 يناير 2014 بعمر 74 سنه بسبب فشل فى وظايف الكبد.[3][4][5]
مصادر
لينكات برانيه
