اللوغات التوارݣية هي ݣروپ ديال اللوغات لأمازيغية كايهضرو بيه التوارݣ اللي كاينين فمالي، النيجر، الدزاير، ليبيا وبوركينا فاصو، وواحد شوية ديال الناس، شعب لكينّين فتشاد.[1]
لوصف
اللوغات التوارݣية هي لوغات تابعة للفرع دلجانوب من اللوغات لأمازيغية وشي ناس كايشوفوهوم لوغة وحدة عندها بزّاف ديال اللهجات. اللي كايميّزهوم كتر هو شوية ديال التغييرات فلهضرة (التحويل ديال الزاي ولحا). لمتغيرات التوارݣية حافضات على بزاف ديال لحوايج، منها لمزادية ديال جوج صوايت قصار فلبلايص اللي فلوغات لأمازيغية دالشمال ولّا فيهوم غير واحد أولّا مشا ݣاع، لقلّة ديال لكلمات اللي تسلّفات من لعربية.
اللوغات التوارݣية كاتكتب بلحرف ديال تيفيناغ. واخا هكّاك فشي بلايص كاتكتب هاد اللوغات بلخط لعربي (وهادشي من لقرون لوسطى)، أما لكتابة لأمازيغية باللاتينية هي رسمية فالنيجر ومالي.
التصنيف
- شمالية
- تماهق اللي هي اللوغة ديال كال أهݣار وكال أجّر فالدزاير وليبيا والشمال تاع النيجر. كايهضر بيها شي 70 ألف واحد. كاتسمّى حتى تهاݣّارت.
- جنوبية
- تماشق اللي كايهضرو بيها كال أدرار (أدرار إيفوغاس)، كاينة فمالي وكايهضر بيها شي 500 ألف واحد.
- تايرت كايهضرو بيها 250 ألف واحد من كال أَير فالنيجر.[2]
- تاولامت – كايهضرو بيها شعب إيوَلَّمْدَن فمالي والنيجر. كايهضرو بيها شي 800 ألف دلبشري. كايتستعمل مصطلح إيوَلَّمْدَن سمية خرة لهاد اللوغة.
- تماشق ديال كال أَساكان.
روجر بلينش (2006) كايليستي هاد اللوغات معا اللهجات بين جوج قواس:[3]
الناس اللي كاتهضر بتين سرت (تاتسرت) كايݣولو على راسهوم باللي هوما توارݣ، ولاكين اللوغة كاتحسب على اللوغات لأمازيغية لغربية.
عيون لكلام
