لجمهورية د ݣامبيا (ب لينݣليزية: Republic of the Gambia) هي بلاد جات ف لغرب د إفريقيا. هي أصغر بلاد من ناحية لمساحة اللي جات فلأرض د إفريقيا. تاتحدها السينيݣال من الشمال و لجنوب والشرق، و لمحيط لأطلسي من لغرب. لبلاد تيدوز منها لواد ديال ݣامبيا اللي عاون باش اتّرسم لحدود د لبلاد وقت ليستيعمار، حيت تدرات لحدود بين ݣامبيا و السينيݣال هي 10 كيلوميطر من الشمال و لجنوب ديال لواد.
ستاقلات ݣامبيا من بريطانيا ف 1965 و ولاّت جمهورية ف 1970. ما بين 1982 و 1989 كانت السينيݣال و ݣامبيا بلاد وحدا سميتها سينيݣامبيا ولكن تفارقو عاود. ف 1991 سيناو اتفاقية ديال الصحبة و لمعاونة بيناتهم. ف 2015 علن الرئيس يحيى جامع باللي ݣامبيا ولاّت جمهورية إسلامية حيت لأغلبية د السكان (90%) مسلمين.[1]
تيسكنو ف ݣامبيا شويا كتر من 2 د لمليون د الناس، و لعاصمة ديالها هي بانجول. اللغة الرسمية د لبلاد هي لينݣليزية و عاد كاين 5 د اللغات وطنية (ماندينكا، فولا، وولوف، سيرير، جولا). لفلوس اللي كاتخدّم ف لبلاد هي الدالاسي د ݣامبيا.
عيون لكلام
