وايومينݣ (بلينݣليزية: Wyoming) هي ولاية جات ف لوسط د لميريكان. تاتحدّها مونطانا من الشمال و الشمال لغربي، داكوطا لجنوبية و نيبراسكا من الشرق، آيداهو من لغرب، يوتا من لجنوب لغربي، و كولورادو من لجنوب. هي عاشر أكبر ولاية، ولكن أقل وحدا من جيهت عدد السكان (رقم 50 - ساكنين فيها غي نص مليون د الناس). لعاصمة ديالها و أكبر مدينة فيها هي شييّن. لأغلبية ديال لولاية فيها الجبال و لهضاب.
لبلاصة اللي فيها وايومينݣ كانت مستعمرة ديال صبانيا، تال 1821 فين ستاقلات و ولاّت طرف د لمكسيك. ف 1848 خداتها لميريكان من مور ما ربحاتها ف حرب، و نهار 10 يونيو 1890، ولاّت ولاية مستاقلة ف لميريكان (لولاية 44 د لبلاد).