لجمهورية د أوزباكستان (بلأوزبيكية: Oʻzbekiston Respublikasi) هي بلاد فآسيا لوسطانية دايرين بيها غي بلدان اللي ما فيهاش لبحر. تاتحدها من الشمال كازاخستان، من الشرق كيرݣيستان، من لغرب تركمانستان، ومن لجنوب طاجيكستان وأفغانستان. أوزباكستان وليختنشتاين هوما الجوج بلدان فلعالم اللي ضايرين بيهم بلدان اللي كاملين ماتيطلوش على لبحر.[1]
أوزباكستان عندها تاريخ قديم وبزاف د لمناطق فيها خلاو أتر ملي دخلهوم لإسلام بحال بخارى وسمرقند وتاشقنت وخوارزم. بزاف د الناس اللي لأصل ديالهم من أوزباكستان كان عندهم دور مهم فلحضارة لإسلامية بحال لبخاري ولخوارزمي ولبيروني والنسائي والترمدي.
ف 1924 دخلات أوزباكستان لليتيحاد السوڤييتي وكانت سميتها لجمهورية ليشتيراكية السوڤييتية لأوزييكية. نهار 31 غشت 1991, و من مورا ماطاح ليتيحاد السوڤييتي، تعلنات لجمهورية د أوزباكستان اللي تانعرفو دابا. لعاصمة د أوزباكستان هي تاشقنت (اللي هي أكبر مدينة) و اللغة الرسمية هي لأوزبيكية ولكن الروسية كاتخدًم بزاف إداريا. لعملة د لبلاد هي السوم.
عيون لكلام
