أفغانستان هي دولة ف وسط و جنوب آسيا، عندها حدود معا پاكيستان فلجنوب و شرق، إيران فلغرب، طادجيكيستان، أوزباكستان، و تركمانستان فشمال، و الشينوا ف أقصى شّمال شّرقي.[1][2]
شحال هادي ف لقديم، كانو ناس كيتنقّلو عبرها ب لحيوانات و سّلاعي حيت كتربط الشينوا و لهند بوسط آسيا و شرق لأوسط. أما دابا فهي كتعاني من عدة سنوات ديال لحروب و مابقاوش بزاف د لفرص ديال شغل.
لبلاد فيها تقريبا 652 ألف كيلوميتر مربع ديال لمساحة و 30 مليون ديال ناس، زيد عليها 3 مليون ديال لاجئين لي لأغلبيا ديالهم مشاو لإيران و پاكيستان. لعاصمة كابول فيها تلاتة لمليون و نص ديال ناس حسب إحصاءات 2011.[3] اللغة الرسمية فيها هي الفارسية و پاشتو و الدين الرسمي هو لإسلام.
تايرجع التاريخ ديال الحياة البشرية في أفغانستان للعصر الحجري القديم الوسطاني، وقدر الموقع الاستراتيجي ديالها بحيث أنها جات على طريق لحرير، أنه يربطها بالثقافات ديال الشرق الأوسط ومناطق خرى من أسيا. تاريخيا ديك لارض عاشو فيها بزاف ديال الشعوب وتعرضات لبزاف ديال لحملات العسكرية، بما فيها الحملات العسكرية للي دارها ألكساندر لكبير ومورياس ولعرب لمسلمين والمنغول والسيخ والبريطانيين والسوفييت والولايات لمتحدة مع الدول للي تحالفات معها. كما أنها كانت لأصل ديال بزاف ديال الشعوب بحال الكوشان والهفثاليين والسامانين والسافاريد والغزنافيين والغوريون والخلجيين والمغوليين والهوتاكس ودورانيس وبزاف اخرين للي قدرو إبنيو إمبراطوريات كبيرة.
عيون لكلام
