Una zona d'especial protección pa las aus (ZEPA) ye una categoría d'aria protegida catalogada por os estaus miembros d'a Unión Europea como «zonas naturals de singular relevancia pa la conservación de l'avifauna menazada d'extinción», d'alcuerdo con o estableixiu en a directiva comunitaria 79/409/CEE y modificacions subsiguients («Directiva sobre a Conservación d'Aus Silvestres» d'a UE).[1]
A convención parti d'o reconoiximiento de que as aus d'o territorio europeu son patrimonio común y han d'estar protechidas a traviés de una chestión homochenia que conserve os suyos habitats. Baixo a Directiva, os estaus miembros d'a Unión Europea asumen a obligación de protecher os habitats d'aus migratorias y bellas aus particularment menazadas.[1]
En as zonas de protección ye viedada u amugada a caza d'aus, en a suyas calendatas y a suyas tecnicas; se regula a posible comercialización; y os estaus son obligaus a actuar pa conservar as condiciones medioambientals requiestas pa o descanso, reproducción y alimentación d'as aus.
Chunto con as Zonas Especials de Conservación (ZEC), as ZEPA forman un rete de puestos protechius por toda a Unión Europea, dito Natura 2000.[1]
Cada ZEPA tien un codigo alfanumerico d'a Unión Europea; por eixemplo, a ZEPA d'a Costa septentrional de Norfolk en o Reino Uniu tien o codigo UK9009031.
ZEPA en Aragón
En Aragón bi ha 48 arias ZEPA, con 8.701 kilometros cuadraus, que en parti son consonants con os PIC (Puestos d'importancia comunitaria). En ellas encara se troban especies orniticas d'intrés comunitario como o trencauesos, l'aguila perdiguera, l'abutarda u o esparbel.
Referencias
Enlaces externos
