A val Estrecha, u tamién a vegadas dita val de Xarlata, ye una val situada en a parti sudoriental d'a val Ancha entre las comarcas d'a Chacetania y l'Alto Galligo. Ye deseparada d'a debantdita val nomás por una estreita francha de piedras d'arena. A tuca mas alta d'ista "cordelera de piedras d'arena" conoixida como Os Capitiellos ye o Turrón con os suyos 913 metros d'altaria.
De nord-ueste enta sud-este trescruza la val o barranco de l'Abate u Fondanito, que desemboca en o Galligo auguas abaixo de Samianigo.
Fan parti d'a val Estrecha as localidaz de Navasiella y Xarlata en o municipio de Chaca, y l'antigo nuclio de Samianigo, Samianigo Alto.