Saldón ye un municipio de la provincia de Teruel, situau en la comarca de la Sierra d'Albarracín. La suya población ye de 27 habitants (2015), en una superficie de 28,4 km² y una densidat de 0,95 hab/km².
Toponimia
Lo toponimo Saldón ye interpretau por Agustín Ventura Conejero como derivau de SALICETUM ("sargueral") con sufixo -ONEM igual como los toponimos de la serie Salcedón[1].
Manimenos, en las comarcas churras bi ha un microtoponimo El Saldón que s'interpreta a partir de lo latín SABULŌNE,[2] igual como lo catalán occidental sauló u sabló (arena de meteorización).
Entre los microtoponimos mes interesants de Saldón se troba El Zarinche[3], (una fuent viella en la mesma plaza con un abrebador), balsa el royo, Canalón Tallar, Suerte el Tallar, Suerte la Mocheta, Calarizo, Calera, Canyo Tio Isidro, Cinajuelo, Las Clafizas, Clocha, Clocha de las Navas, Clochas del Perol, Clochas Eugenio, Solana Coscullo, Gandaya, Refrontón, Refontones, Trascabezo, Travesadas, Los vagos y Los Villares.
Cheografía
Saldón ye situau a piet d'un sinclinal pendiu conoixiu como "El Cabezo", que fa part de las muelas de los Monts Universals. Buena part de lo suyo termin municipal ye en la paramera de Saldón, que tiene los suyos cabos en lo rodenal de la Sierra de Penya Redonda y en las foces fluvio-karsticas de la Fuent d'el Berro[4]. Los tarabinars d'esta paramera son protechius adintro de la LIC (puesto d'importancia comunitaria) "Sabinars de Saldón y Val de Cuenca"[5].
Mugas
Lo termin municipal de Saldón no muga que con Albarracín; por lo sud ye repitiau por una estreita francha u manga de lo termin d'Albarracín que lo desparte de lo termin de Val de Cuenca, por l'ueste una menos estreita francha de terreno d'Albarracín lo desparte de Terrient y Royuela, por l'este un apéndiz d'Albarracín lo desparte de Bezas.
Historia
Saldón estió una aldeya de la Sexma de Chabaloyas adintro de la Comunidat d'aldeyas d'Albarracín. Fació part tamién de la sobrecullida de Teruel por lo menos dende 1446 dica 1495, y de la vereda de Teruel en lo sieglo XVII. En 1785 prenió la categoría de "lugar"[6].
Demografía
Administración
Reparto de concellers
Alcaldes
Puestos d'intrés
- Ilesia de l'Asumpción, sieglo XVI.
Fiestas
Referencias
- ↑ (es) Agustín Ventura Conejero: Toponimia de la provincia de Teruel. Revista Teruel, nº 48, 1972. p 229.
- ↑ (es) Emili Casanova: Pautas para la normalización toponímica en la Comunidad Valenciana, con especial referencia a la zona castellano-aragonesa. Publicau en: Lengua, espacio y sociedad: Investigaciones sobre normalización toponímica en España. Editau por María Dolores Gordón Peral y Walter de Gruyter, 2013. p 136.
- ↑ (es) Javier Martínez: Albarracín y los Montes Universales. Rutas CAI por Aragón, nº 3. CAI, 2003, p 74.
- ↑ (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN 84-86982-97-9. p 47.
- ↑ (es) Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007 p 39.
- ↑ (es) Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. p 1198.
- ↑ (es) Consulta el listado de alcaldes que han sido proclamados en Aragón en Heraldo de Aragón.
.svg){kind=small}
