PROFILBARU.COM

	Royuela
	Municipio d'Aragón
	; Royuela.
Entidat; • País; • Provincia; • Comarca	Municipio; Aragón; Teruel; Sierra d'Albarracín
Partiu chudicial	Teruel
Superficie	32,5 km²
Población; • Total	; 231 hab. (2013)
Altaria; • Meyana	; 1214 m.
Distancia; • 48 km	; enta Teruel
Alcalde	José Luis Vicente Navarro
Codigo postal	44125
Parroquial; • Diocesi; • Arcipestrau; • Parroquia	; Teruel y Albarracín; Albarracín; Sant Bartolomeu Apóstol
Coordenadas	40°22’38’’N 1°30’42’’U
	Royuela Royuela en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un municipio aragonés d'a comarca d'a Sierra d'Albarracín; ta atros usos, se veiga Royuela (desambigación).

Royuela ye un municipio de la provincia de Teruel, situato en la comarca de la Sierra d'Albarracín.^[1] La suya población ye de 224 habitants (2006), en una superficie de 32,5 km².

Cheografía

Ye situato en la Sierra d'Albarracín, chunto a lo río de la Fuent del Berro u río Royuela. En un prato d'este río, que s'embadina periodicament, se troba una de las pocas localidaz de lo endemismo botanico Puccinelia pungens, que tamién se troba en la lacuna de Gallocanta.

Mugas

Lo suyo termin no muga que con Albarracín. Por o sud, ueste y norte ye repitiau por una estreita francha de terreno d'o termin d'Albarracín que lo desepara de Terrient, Moscardón, Calomart y Torres d'Albarracín.

Historia

Se sape que en lo periodo musulmán i heba nueu alcareyas. La primera refererencia calendata de Royuela se refiere a un convenio entre Alifonso II lo Casto y Calvet de Biel pa repartir-sen las tierras conquiestas que diz en toda Roiola cum suis salmis, fendo referencia a la explotación huei dita Las Salinas de La Hoyalda. Pero los aragoneses no conquerioron ni Albarracín ni Royuela.

La conquiesta cristiana definitiva de la Taifa d'Albarracín estió obra de los nabarros de la Casa d'Azagra, que fundoron una sinyoría. Royuela estió important pa los Sinyors d'Albarrazón porque i yeran las Salinas de Alda, y en ixas envueltas de la Edat Meya la sal yera un producto estratechico. Los colons traitos por los sinyors d'Albarracín cambeyoron lo rete d'alcareyas desestruturando-lo. Eslioron pa establir-sen l'alcareya on ye l'actual lugar de Royuela porque yera en una ribera ampla. Las atras alcareyas y tierras que iban con alcareyas las reorganizoron de tot, y las mes cercanas como La Chaparra, Las Balsas u La Cazulla desapareixioron, mientres que las que yeran mes luent rematoron convertindo-se en explotacions independients en mans de linaches instalatos en la villa d'Albarracín (como ye lo caso de Masía de Santa Lucía, Masía de la Penya y Masía de la Torre), u desapareioxon quedando absorbitas por las anteriors (como ye lo caso de Puntal de las Picazas II u Masía de Lozano I).

Entre los anyos 1208 y 1210 la Orden de los Trinitarios funda lo Monesterio de Nuestra Sinyora de las Dolors, que fa un empentón a lo cautivo de tierras en la Val de Royuela, y se dedica a redimir a los cativos presos por los musulmans.

En lo sieglo XIV i habió conflictos entre los propietarios en l'aria de Lo Pardo u Loparde . Fortificoron las propiedaz de Loparde de la Torre on i habió un castiello y Loparde de la Penya on bi ha enrunas d'atro castiello.

Por muito tiempo la vida social y economica de Royuela chiraba arredol lo monesterio, pero en lo sieglo XIX i habió desamortización, desapareixe lo monesterio y los royuelans se reparten las tierras de labor.

A principios de lo sieglo XX, las masías de La Torre, La Penya, el Lozano, etc., propiedat de familias de la burguesía, las adquieren los vecins de Royuela, fueras de Santa Lucía y Conejera y se'n fa un reparto. En la guerra civil creman la masía de la Penya, y dimpués de rematar a guerra s'escacha la masía de La Torre.

Toponimia

La primera mención, en latín y con nombre latinizato ye en 1166 cuan Alifonso li da este lugar a Calvet de Biel por aduyar-li en la conquista d'Albarracín.

Ad huc atque concedo tibi totum parral, quod est inter albuera et villa et tota illa bega que est ad tovas de Abinrodel, et tota Roila, cum suis salmis, et illos duos molendinos qui molunt in villa subtus azuda.

Lo nombre bien a partir de lo mozarabe u l'aragonés royo, que vien d'o latín RUBEU, con lo sufixo -uela, que bien d'o latín -OLA, fendo referencia a la color roya de los materials triasicos.

Tamién ye posible que vienga dreitament de lo latín como un plural neutro fosilizato, (RUBEOLA plural de RUBEOLUM, "terreno rodeno").

RUBEOLA (os materials royos u rodeno) > royuela.

D'alcuerdo con la primera mención Roila pareix que lo primer nombre estió Rolla u Roya y que por estar chicot os repobladors i adhibioron lo sufixo -uela, como en atros lugars de Teruel y Zaragoza, (Nogueras > Nogueruelas, Cervera > Cerveruela, etc..).

Roya+-uela > Royuela.

Demografía

Evolución demografica

1992	1994	1996	1997	1998	1999	2000	2001	2002
-	-	-	-	241	240	238	237	229

2003	2004	2005	2006	2007	2008	2009	2010	2011
229	225	221	224	224	223	240	248	251

2012	2013	2014	2015	2016	2017	2018	2019	2020
247	230	227	221	215	209	206	204	210

2021	2022	2023	2024	2025	2026	2027	2028	-
212	-	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
C. Aragón									3
Partido Aragonés									1
Partido Popular									1
Total									5

Alcaldes

Lista d'alcaldes
Lechislatura	Nombre	Partiu politico
1979–1983	Lorenzo Blesa Caballero	UCD
1983–1987
1987–1991
1991–1995
1995–1999
1999–2003	Jesús Hernández Sáez	PP
2003–2007	Jesús Hernández Sáez	PP
2007–2011	José Blas Sánchez Vicente	PP
2011–2015	José Luis Vicente Navarro	PP
2015–2019	Lorenzo Blesa Caballero	PAR
2019–2023	Lorenzo Blesa Caballero	PAR
2023–2027	Lorenzo Blesa Caballero ^[2]	PAR

Fiestas

Sant Bernabeu, 24 d'agosto.

Referencias

↑ (es) Javier Martínez González (coord.): Comarca de la Sierra de Albarracín, Gubierno d'Aragón, 2008, ISBN 978-84-8380-095-9, p.317.
↑ (es) Consulta el listado de alcaldes que han sido proclamados en Aragón en Heraldo de Aragón.

Municipios d'a comarca Sierra d'Albarracín
Albarracín \| Bezas \| Bronchales \| Calomart \| Chabaloyas \| Exea d'Albarracín \| Fridas d'Albarracín \| Griegos \| Guadalaviar \| Monterd d'Albarracín \| Moscardón \| Noguera d'Albarracín \| Oriuela \| Pozondón \| Rodenas \| Royuela \| Rubiales \| Saldón \| Terrient \| Toril y Masegoso \| Torres d'Albarracín \| Tramacastiella \| Val de Cuenca \| Val Longuiello \| Villar d'el Cobo