O Nabaín[1], punta Nabaín u punta de Santa Marina (per a ermita que se i troba en alto) ye lo mes alto d'os tozals d'o serrato de Sant Martín que fa muga d'entre os municipios de Boltanya y Fiscal. En a suya cima bi ha un vértiz cheodesico.
Enta lo norte tien a Cruceta Yeba dimpués d'a cual lo serrato fa ya baixada enta la Val de Vio, pero en as garras sud-este (costato d'Ascaso) y sud-ueste (Puyuelo, Lavelilla y la Ribera de Fiscal) se i debiene una sierra ixuta, de coscollos, pins y chinepros.
O tozal de Pecuto s'estiende enta l'alto d'o túnel de Baluport y la carretera Boltanya-Broto, a man d'o que se podría considerar como lo solo recolón humedo d'o serrato, en o congosto de Chanovas, puesto a on que, per a suya angostuera, se bi heba quiesto prochectare la presa d'un entibo que dimpués mái no se i gosó fer.
Toponimia
Bels autors como Antonio Beltrán Martínez han quiesto relacionar a suya terminación con o basco en base a toponimos con terminación -ain en Navarra. Chesús Vázquez Obrador afirma que os toponimos altoaragoneses rematatos asinas se prenuncian con acentuación en a i ("-aín") y no van asociatos a antroponimos clars, concluindo que han de tener un orichen diferent y probablement a partir d'un sufixo -gin.
Referencias
Vinclos externos
.JPG)
.png)
