A puerta d'el Sol yera una puerta situada en a muralla medieval de Zaragoza, a o fin d'a carrera d'el Coso Baixo, en as Tenerías. Un d'os suyos cantos yera refirmau en a muralla de piedra.
Historia
Yera conoixida vulgarment como a Portaza y la feban servir os aguadors que baixaban enta o río Ebro. Igual que ocurriba en a resta de puertas, quitando as de l'Ánchel y de Santa Engracia, se zarraba dende l'amaneixer dica as siet d'a tardi d'hibierno u as ueito en verano.
Construyida en zauerías d'o sieglo XIV, yera un arco simple de meyo punto zarrau con una puerta de fusta de dos fuellas. A reconstrucción feita en 1745 se fació de ladriello con piedra picata y decoración barroca, con un sol de piedra negra de Calatorau dencima que se feba servir de reloch y que le daba o suyo nombre. A piedra con forma de sol encara se conserva en o Museu de Zaragoza y dende 1987 puet veyer-se una representación d'a puerta pintada sobre o muro d'un edificio situau en a suya antiga ubicación.
Como as atras puertas d'a ciudat fue prou danyada mientres a Guerra d'o Francés, quedando as balas marcadas en os suyos muros, encara que os atacants no pudioron prener-la. S'espaldó en 1869 dimpués d'as protestas d'os vecins debiu a os altos impuestos de puertas que heban de bosar.
Vinclos externos
.jpg)
.svg)
