A Bretanya historica tien una estructura territorial complexa, que amás tenió evolución en o tiempo, encara que se pueden distinguir dos nivels administrativos en o país, uno parellán a las provincias y un segundo nivel inferior pareixito a las comarcas.
As provincias se dicen tamién bispatos, por estar creyatas con un orichen en a estructura administrativa d'a Ilesia Catolica. Antiparte, as comarcas historicament tenioron cambeos en o suyo nombre y en a suya composición, amás de no estar homochenias: belunas d'istas comarcas son nomás agrupacions purament administrativas, encara que atras agrupan tamién a localidaz con caracteristicas propias y con una personalidat diferenciata d'as atras comarcas. Ixo fa muit dificil a suya clasificación.
Amás, a estructura imposata en Bretanya dimpués d'a supresión d'o ducau de Bretanya en zaguerías d'o sieglo XVIII con a Revolución francesa y a creyación d'os departamentos en Francia crebó a evolución natural d'istos territorios, agrupando-ne beluns y desagrupando-ne atros en función de meras conveniencias politicas francesas, ta crebar os ligallos d'unión entre os territorios bretons y fer mas fácil l'asimilación politica y cultural d'o país a Francia. S'ha de parar cuenta amás que en o turbulento periodo d'a Revolución Francesa, os bretons yeran politicament muit conservadors y aduyoron a os monarquicos y a la nobleza francesa en as suyas luitas contra os revolucionarios y contra l'actual herencio politico francés; Bretanya estió mesmo a zona de Francia a on a guerra civil estió una realidat.
Asinas pues, as provincias (bro u dro) de Bretanya, con as suyas comarcas (paou u broioùig) son: