Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Orbitals atomicos y moleculars. Lo esquema d'a ezquierda ye la regla de Madelung seguindo lo Prencipio d'Aufbau pa determinar la secuencia enerchetica d'orbitals. Lo resultato ye la secuencia inferior d'una imachen. Cal tener en cuenta que los orbitals son función de tres variables, la distancia a lo nuclio, r y dos anglos. Las imáchens nomás representan que la component angular de l'orbital, amás de que son fragmentos asistitos.
Un orbital atomico ye la rechión d'o espacio definito per una determinata solución particular, espacial y independient d'o tiempo a la ecuación de Schrödinger pa lo caso d'un electrón sozmeso a un potencial coulombiano. La esleción de tres numers cuanticos en a solución cheneral sinyalan univocament a un estato monoelectronico posible.
Istos tres numers cuanticos fan referencia a la enerchía total de l'electrón, lo momento angular orbital y la prochección d'o mesmo sobre l'eixe z d'o sistema d'o laboratorio y se denotan por
Un orbital tamién puet representar la posición independient d'o tiempo d'un electrón en una molecula, en cual caso se denomina orbital molecular.
