PROFILBARU.COM

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Nelson Mandela

President de Sudafrica
27 d'abril de 1994 – 14 de chunio de 1999
Lugartenient	Frederik de Klerk Thabo Mbeki
Precediu por	Frederik de Klerk
Succediu por	Thabo Mbeki

Naiximiento	18 de chulio de 1918 Mvezo, Provincia Oriental d'o Cabo, Sudafrica
Muerte	5 d'aviento de 2013 Johannesburgo, Gauteng, Sudafrica
Partiu	Congreso Nacional Africano
Conchuche	Evelyn Mase (1944 - 1957 esvurcio) Winnie Madikizela (1958 - 1996 esvurcio) Graça Machel (1998 - 2013)
Fillos	Con Evelyn Mase: Madiba Thembelike Mandela (1945-1969) Mazawike Mandela (1947-1948) Con Winnie Madikicela: Makgatho Mandela (1950-2005) Mazawike Mandela (1954) Zenani Mandela (1959) Zindziswa Mandela (1960-2020)
Relichión	Metodista
Sinyal

Nelson Rolihlahla Mandela conoixiu a sobén en o suyo país como Madiba ^[1] (Umtata, Sudafrica, 18 de chulio de 1918 - Johannesburgo, Gauteng, Sudafrica, 5 d'aviento de 2013) ^[2] estió un politico sudafricano reconoixu en tot o mundo por a suya esfensa d’os dreitos humanos, y considerau mundialment como o líder d’a luita contra l’apartheid y por a igualdat social. Pasó vintisiet anyos d’a suya vida zarrau en a prisión, y en salir escayeixió o primer president d'o suyo país esleito por sufrachio universal.

Dentre os muitos premios, condecoracions y honors recibius por institucions y gubiernos de tot o mundo cal destacar que en 1992 estió galardonau con o Premio Prencipe d'Asturias de Cooperación Internacional y en 1993 con o Premio Nobel d'a Paz todos dos chunto con Frederik Willem de Klerk.^[3]^[4]

Biografía

Mandela naixió en 1918 d’Umtata, en a provincia de Cabo Oriental de Sudafrica.

Estió o primer avogau negro de Johannesburgo, de conchunta con Olivier Tambo.

L’anyo 1944 entró a formar parte d’o Congreso Nacional Africano (ANC), partiu que luitaba contra l’apartheid, una segregación racial que s’institucionalizó en 1948, cuan o Partiu Nacional plegó en o poder.

En 1952 Mandela estió trigau vicepresdent de l’ANC, y emprendió una campanya de desobediencia civil contra as leis inchustas, que culminó o 6 d’abril de 1952, cuan se commemoraban os 300 anyos d’a fundación de Ciudat d’o Cabo y a plegada d’os primers blancos en Sudafrica. D’os 10.000 manifestants, 8.500 estioron detenius, entre éls, Mandela. Estió condenau a nueu meses de prisión y arresto domiciliario, y mientres iste tiempo organiza l’ANC en celulas clandestinas.

En 1955 reapareixió en publico, y l’atro anyo estió deteniu unatra vegada acusau de traición. En 1961 estió absuelto, pero en 1964 estió condenau a cadena perpetua por a vinculación con o brazo militar de l’ANC.

No estió liberau dica 1990. Vintisiet anyos engarcholau en condicions muit duras. Entre iste tiempo, estió fendo-se un simbolo a nivel internacional. Asinas, en salir d’a prisión estió eslechiu president de l’ANC, en substitución d’Olivier Tambo. Mandela esfendió a conciliación y negociación con o gubierno, y a renuncia a la violencia a cambeo de l’abolición de l’apartheid.

As negociacions pa meter fin a la segregación racial ocurrioron entre 1990 y 1993, y culminoron con as eleccions de 1994, en que Nelson Mandela estió trigau o primer president negro de Sudafrica.

L’anyo 1993, Mandela recibió o premio Nobel d’a Paz, conchuntament con F. de Klerk, zaguer president d’o rechimen segregacionista.

Mandela encabezó un gubierno centrau en a reconciliación entre 1994 y 1999. Mientres ista presidencia, y pa privar a impunidat en as responsabilidaz de l’apartheid, instituyó o Comité pa la Verdat y a Reconciliación, presidiu por Desmond Tutu. Tamién en aquel periodo, concretament o 24 de chunyo de 1995, se realizó a final d’o Mundial de rugby, an que a selección sudafricana, os Springboks, se proclamó campeona d’o mundo en Johannesburgo contra os Ajo Blacks neozelandeses.

A suya ye una historia de luita y dialogo en favor d’a chusticia y a paz, Nelson Madela se retiró d’a vida publica en 2004, tres anyos dimpués d’haber-le diagnosticau un cáncer de prostata.

O gubierno sudafricano anunció a suya muerte o 6 d'aviento de 2013.

Filmografía

A suya figura y vida han inspirau a numerosas cintas de cine y televisión dentres as que cal destacar:

Anyo	Títol d'a cinta	Director	Elenco
1987	Mandela^[5]	Philip Saville	Danny Glover, Tam Mpofu y Priscilla Mundawarara
1997	Mandela and de Klerk^[6]	Joseph Sargent	Sidney Poitier, Michael Caine y Tina Lifford
	Goodbye Bafana^[7]	Bille August	Joseph Fiennes, Dennis Haysbert y Diane Kruger
2009	Invictus^[8]	Clint Eastwood	Morgan Freeman, Matt Damon y Tony Kgoroge
2013	Mandela: Long Walk to Freedom^[9]	Justin Chadwick	Idris Elba, Naomie Harris y Terry Pheto

Referencias

Vinclos Externos

(an) https://web.archive.org/web/20160402171912/http://www.arredol.com/sudafrica-anuncia-a-o-mundo-a-muerte-de-nelson-mandela/, en Arredol.


Predecesor: Frederik de Klerk	President de Sudafrica 27 d'abril de 1994 – 14 de chunio de 1999	Succesor: Thabo Mbeki
Predecesor: Rigoberta Menchú	Premio Nobel d'a Paz 1994	Succesor: Yasser Arafat, Shimon Peres e Isaac Rabin
Premios Prencipe d'Asturias
Predecesor: ACNUR	Premio Prencipe de Cooperación Internacional 1993	Succesor: Fuerzas de paz d'as Nacions Unitas