Arredol estió una publicación dichital d'información cheneral en aragonés. Naixita o 19 de setiembre de 2011, un anyo dimpués d'a muerte de Labordeta, estió o primer medio de comunicación escrito de raso en aragonés. Con una redacción en un primer inte de tres personas, quereban que a chent tamién participase en iste prochecto ninviando articlos, noticias, imáchens, etc.
A grafía que fació servir estió a de l'Academia de l'Aragonés.
A primera edición d'iste diario estió feita por Chorche Romance, Lucía López Marco y Carlos García Esteban, con os refirmes y articlos de chent como Quim Monzó, Antón Castro, Eduardo Lolumo, Gonzalo González, Pepín Banzo, Daniel Torres Burriel u Marc Martí.
O diario se feba baixo licencia Creative Commons Reconoiximiento y Compartir Igual 3.0.
O logo d'ista publicación ye una creyación de Laira Gonzalo.
Vinclos externos
