Maut (u a vegatas Manaut) yera una bruixa de Biescas conoixita porque feba con os suyos maldaus que as personas en cuentas de parlar escanyutasen como os cans.
En atras versions d'a leyenda yera o sobrino u o mesmo fillo de Maut qui escanyutaba en cuentas de parlar. A Inquisición ninvió un conte ta Biescas ta comprebar os feitos que escayeceban con ista bruixa, qui confirmó cómo ye que escanyutaba y feba escanyutar a las chents.
As personas que yeran maldatas y escanyutaban se conoixeban en Biescas, y en tota la val de Tena, como "latrantes". Important ye a epidemia que bi habió en o sieglo XVI, con muitos casos de "muliers latrantes".
Bibliografía
