Frescano (en castellano Fréscano) ye un municipio aragonés de la provincia de Zaragoza, situau en la comarca de lo Campo de Borcha. La suya población ye de 203 habitants (INE 2017), en una superficie de 18,4 km² y una densidat de 11,03 hab/km².
Cheografía
Frescano ye situau en la marguin dreita de la Uecha. En meyo de la plana bi ha dos antepueyos: Burrén y Burrena.[1]
Historia
Se sabe que lo 19 d'octubre de 1283 perteneixeba a Pero Cornel III. Alavez esta villa debió tener una fortaleza, pus Alifonso III d'Aragón absolvió a Pero Cornel de la potestat de lo castiello y villa de Frescano, que li heba dau Chaime I d'Aragón.
Toponimia
Lo toponimo Frescano ye de dificil interpretación. En lo Campo de Borcha coexisten las accentuacions Frescano y Frescano y Juan Antonio Frago Gracia considera que bi ha un sufixo átono preindoeuropeu de la serie -ĂLO, -ĂNO, -ĂGO,[2] de que la existencia belatro autor questiona.[3] Antiparte, lo suyo nombre recuerda a Prexano, que lo relacionan con lo fraxín.
Fegura como Frescarón en un documento de 1158, cuan lo Papa Hadrián IV confirmó a lo bispe de Zaragoza la posesión de las ilesias de la diocesi de Zaragoza, y confirma las mugas de lo bispato d'acuerdo con las que fació lo rei visigodo Wamba:
ecclesias de
Noveles, de Razacol, de
Crots, de Meslie, de
Frescaron, de
Magalon, de
Alberit, de
Borota, de
Aianzione, de Crocle, que in vivo
Burge continentur, cum omnibus pertinentiis suis; ecclesias de
Purillosa, de
Calcena, de
Terga, de
Aranda, de
Siarga, et de
Arandega, cum omnibus pertinentiis suis
En lo termin municipal de Frescano bi ha microtoponimos curiosos d'orichen antigo: Cabezo de Burrén y Burrena. Tienen terminacions -én y -ena que acompanyan a latifundistas romanos, pero Juan Antonio Frago Gracia interpreta que son prerromanos y relacionaus con lo mesmo lexema BUR- que habría dau en basco buru ("cabeza", "cima").[2]
Demografía
Administración
Reparto de concellers
Alcaldes
Puestos d'intrés
Fiestas
Curiosidaz
Facioron servir piedras provinients de la pedrera de Burrén pa reconstruir lo Puent de Piedra de Zaragoza[5] en l'anyo 1405. Esta pedrera yera propiedat de lo papa y Zaragoza habió de demandar una autorización a lo mesmo Benedet XIII pa poder aproveitar esta piedra, con la que tamién yeran construindo una capiella en la Seu de Sant Salvador de Zaragoza:
havemos feyto tallar en
Burren ciertas piedras, las cuales han de venir al rio de Ebro con carretas porque viengan en
barchas a la ciudat
Lo sinyor de Frescano Pero de Castro autorizó tamién a talla de trenta piedras de prueba en la pedrera pero dimpués s'oposó a continar si no li trayeba garra beneficio. Los concellers y churaus de Zaragoza troboron argumentación legal en lo privilechio de los vint de 1129, que permitiba a los habitants de Zaragoza espleitar piedras u cheso a on queresen de la redolada de Zaragoza.
Sieglos dimpués las piedras d'esta cantera se facioron servir pa construir la parte de la Canal Imperial d'Aragón en la zona de Fontellas.
Referencias
- ↑ (es) Francisco Pellicer: Formas de relieve del centro de la depresión del Ebro. Institución Fernando el Católico. 1989 pp 63-64.
- ↑ 2,0 2,1 (es) Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, pp 103-104, p 55.
- ↑ (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002.
- ↑ (es) Consulta el listado de alcaldes que han sido proclamados en Aragón en Heraldo de Aragón
- ↑ (es) María Teresa Iranzo Muñío: El puente de Piedra de Zaragoza en la baja edad media; la culminación de un proyecto ciudadano Artigrama, núm. 15, 2000, — I.S.S.N.: 0213-1498 [1]
.svg){kind=small}
