Francisco de Asís Sancho Rebullida, naixito de Zaragoza o 10 de chulio de 1921 y muerto en Pamplona (Navarra) o 27 d'octubre de 1995, estió un churista y catedratico aragonés, fillo d'o politico d'a CEDA Miguel Sancho Izquierdo, qui estió tamién rector d'a Universidat de Zaragoza.
Francisco de Asís Sancho Rebullida se licenció en Dreito en 1946, doctorando-se en a Universidat de Zaragoza en 1953. Dende 1961, estió cateratico de Dreito Civil d'a Universidat de La Laguna (Canarias), encara que en ixa mesma anyada prencipió as suyas colaboracions con a Universidat de Navarra. Miembro d'a Comisión Compiladora d'o Dreito Foral Aragonés y d'a Comisión Compiladora d'o Dreito Foral Navarro, destacó por os suyos treballos sobre o Dreito navarro y sobre o Dreito aragonés, estando autor de cuantas obras de Dreito Civil aragonés, navarro y castellano.
